YES THE BEST 911 BORACAY

Thursday, April 19, 2018

Lady boy sa Boracay nahulihan ng 31 sachet ng suspected shabu sa buy-bust operation


Posted April 19, 2018
Ni Inna Carol L. Zambrona, YES THE BEST Boracay

Image result for buybustKalaboso ang 20- na Lady Boy sa pagbebenta ng iligal na droga sa ikinasang buybust operation ng mga otoridad sa Sitio Cabanbanan, Barangay Manocmanoc kahapon ng umaga.

Ang suspek ay kinilalang si Jose Berdonar y Sambas alyas "Heart", tubong Unidos, Nabas at pansamantalang nakatira sa nabanggit na lugar.

Hindi na nakapalag ang suspek ng masukol ng pinagsamang pwersa ng Regional Drug Enforcement Unit 6, Malay Police Station at Boracay Police Community Precinct sa koordinasyon ng PDEA 6 matapos mabilhan ng isang sachet ng ipinagbabawal na droga kapalit ng P5, 200 buy bust money.

Sa isinagawa pang body search ng kapulisan nakuhaan pa si Berdonar ng nasa tatlumpong suspected shabu, P 3, 500 at cellphone na naglalaman ng illegal transaction.

Nakatakdang dalhin ang suspek sa bayan ng Kalibo at sasampahan ng paglabag sa Republic Act 9165 o Comprehensive Dangerous Drugs Act of 2002 dahil sa pagbebenta ng droga.

Wednesday, April 18, 2018

Inter Agency Task Force at LGU-Malay nag-presenta ng Rehabilitation Action Plan

Posted April 18, 2018
Ni Danita Jean A. Pelayo, YES THE BEST Boracay

Image may contain: one or more people and indoorNaglatag ng kanilang mga action plan ang LGU-Malay at Inter Agency Task Force sa isinagawang “Save Boracay Conference” kahapon kaugnay sa nalalpit na pagpapasara ng Boracay.

Sumentro ang mga presentasyon ng bawat ahensya kung ano ang kanilang mga hakbang na gagawin sa anim na buwang rehabilitasyon ng isla.

Sinimulan ni LGU Executive Assistant IV Rowen Aguirre ang pag-pepresenta ng mga rekord na nakalap ng kanilang opisina at action plan para sa mga maaapektuhang sektor.

Base sa datos ni Aguirre, ang ilang posibleng epekto sa ekonomiya ng Boracay ay ang tinatayang nasa 36,000 empleyado na mawawalan ng trabaho kasama na rito ang mga informal sectors, at pagkawala o pagkalugi  ng mga negosyo.

Tinatayang nasa 80,000 naman na residente ang tinitingan na maaapektuhan ng closure kung saan ang worst case scenario ayon kay Aguirre ay ang epekto sa edukasyon ng mga bata at problema sa tahanan.

Napag-usapan din ang pagsasa-pribado ng operasyon ng Sanitary Landfill kung saan inaprobahan na ng Sangguniang Bayan ng Malay na pumasok si Mayor Cawaling sa paghahanp ng kontratista.

Samantala, naglatag din ng security plan si PRO 6 Chief Superintendent  Cesar Hawthorne Binag kung saan mula sa 472 na mga police personnel naka-deploy ay aakyat ito sa 630 na kinabibilangan ng JTF, BTAC, MBPTF/ 2nd Aklan PMFC, NOSU, at COM na layuning mapanatiling ligtas at mapayapa ang isla habang isinasagawa ang rehabilitasyon.

Ang Tourism Infrastructure and Enterprise Zone Authority o TIEZA ay nagbigay din ng updates sa mga aktibidad tulad ng dredging ng mga imburnal at pagtatanggal ng mga burak sa mga drainage kasama na ang pag-alam sa mga illegal connections.

Sa mga apektadong manggawa, sa ngayon ay patuloy pa rin ang profiling ng Department of Labor and Employment (DOLE) kung saan nakapokus sila ngayon sa informal sectors at aasahan din ang pasasagawa ng Job Fair para maalalayan ang mga nasa mahigit labim-pitong libong trabahante na mawawalan ng trabaho.

Terminal Identification Pass, libre na at para na lang sa mga workers

Posted April 18, 2018
Ni Inna Carol L. Zambrona, YES THE BEST Boracay

Image may contain: house, sky and outdoorLibre na at para na lang sa mga workers ang pagkuha ng Terminal Identification Pass na bahagi ng implementing rules sa pagpasok at paglabas ng Boracay sa panahon ng closure.

Sa naging panayam kay Jettyport Officer III Jean Montero, nagbaba ng order ang Office the Governor na wala ng babayaran sa pagkuha ng nasabing ID.

Paalala ni Pontero na ang mga importanteng dadalhin ng mga empleyado sa pagkuha ng Terminal Identification Pass ay dalawang 1x1 photo, kahit anong government issued  ID at certificate of employment na magpapatunay na ito ay legal na nagtatrabaho sa Boracay.

Hindi na kailangan mag-proseso at kumuha ng nabanggit na ID ang mga residente ng isla.

Apela ni Pontero sa mga workers na pumunta na ngCaticala  at Cagban Jetty Port at mag fill-up na ng application form upang mapadali ang kanilang pagkuha ng naturang Terminal ID Pass.

Ang mga aplikante na kukuha ay inaabisohan na i-proseso ito mula alas-otso ng umaga  hanggang alas singko knag hapon kung saan ang huling araw ng pag-issue nito ay Abril 22.

Kung maaalala, nag-anunsyo ang pamunuan ng Caticlan at Cagban Jetty Port nitong mga nakaraang araw na kailangang kumuha ng Terminal Identification Pass na nagkakahalaga ng P 100 ang lahat ng mga papasok at lalabas ng Boracay subalit umani ito ng hindi magandang feedback sa publiko.

Friday, April 13, 2018

ManocManoc Barangay Assembly, dinagsa

Posted April 13, 2018
Ni Danita Jean A. Pelayo, YES THE BEST BORACAY

Image may contain: 1 person, crowdDinagsa ang ManocManoc Covered Court ng mga tao kahapon sa naganap na Barangay Assembly.

Tinatayang nasa tatlong-libo ang mga dumalo sa nasabing pagtitipon na karamihan ay mga residente, mga manggagawa at representante mula sa  iba’t ibang sektor.

Nagsimula ang pulong sa pagbibigay ni ManocManoc Punong Barangay Chona Gabay ng kanyang State of the Baranggay Address para malaman ng mga tao kung saan napupunta ang kanilang mga ibinabayad kasama na ang paglatag ng mga natapos na proyekto ng Barangay.

Image may contain: 3 people, crowd and indoorSumentro rin sa mga pagtatanong ang tungkol sa Barangay ID kung saan temporaryo munang ipinatigil subalit ayon sa mga opisyales ng barangay ay bukas pa rin sila para sa application ng mga nais kumuha para makasama sa profiling.

Sa kabilang banda, naghiyawan naman ang mga tao ng pabulaanan ni Boracay Water COO/General Manager Mr. Joseph Michael A. Santos na walang magaganap na shutdown sa kanilang operasyon.

Image may contain: 1 person, crowdNagpasiguro naman ang hanay ng pulisya na narito sila sa Boracay para mapanatili ang peace and order at maging maayos ang gagawing rehabilitasyon.

Nagpaalala din sa naturang pulong na mas maiging pumunta na lamang sa Barangay kung may mga katanungan ng sa gayon ay maiwasan ang mga haka-haka.

Kaugnay sa mangyayaring closure ng isla, ayon sa Municipal Local Government Operations Officer (MLGOO), wala pang proper guidelines at hinihintay pa nila ang contingency plan ng LGU.

Ngayong araw naman ang huling araw para sa ginagawang validation survey ng  MSWDO ngunit siniguro nila na ang mga kabahayan na hindi nadaanan ay babalikan nila dahil magkakaroon pa ng validation bago ang Abril 26.

Samantala, sa panghuling mensahe ni Gabay ibinibigay nito ang kasiguraduhan na anuman ang kanilang matanggap na tulong ay makakaabot sa mga residente.

Thursday, April 12, 2018

BIWC at AKELCO, walang natanggap na sulat kaugnay sa pagshutdown ng kanilang operasyon sa Boracay

Posted April 12, 2018
Ni Inna Carol L. Zambrona, YES THE BEST Boracay

Image result for akelcoWala umanong natanggap na sulat o order ang opisina ng Boracay Island Water Comapany at AKELCO hinggil sa balitang ipapa-shutdown ang kanilang operasyon sa isla ng Boracay.

Sa pahayag nina Acs Aldaba,  Operations Manager ng BIWC at AKELCO Boracay Sub-Office Manager na si Ching Ocampo, wala umano silang natanggap na kahit anumang sulat o anumang impormasyon na ipinapahinto ang kanilang operasyon alinsunod sa pagpapasara ng Boracay sa Abril 26.

Pagsasabi pa ni Aldaba, hindi umano pwedeng ipasara ang water supply sa isla, dahil marami ang maaapektuhan kapag ipinatupad ito.

Image result for boracay water companySa kabilang banda, pinabulaan rin ni Ocampo itong balita, aniya, patuloy parin sila sa pagbibigay ng power supply sa kabila ng ipapasara ang Boracay.

Magkakaroon lang umano ng power interruption sa oras na masimulan ang road widening dahil ililipat at aayusin ang mga poste ng kuryente.

Samantala, magbababa naman ang dalawang kompanya ng press release upang ipaalam sa publiko na walang katotohan na mawawalan ng supply ng tubig at kuryente sa anim na buwang rehabilitasyon ng Boracay.