YES THE BEST 911 BORACAY

Monday, June 06, 2011

Reklamasyon, nasa walongpung pursiento (80%) na

(Ni Edzel Mainit, YES FM Boracay Senior Field Reporter)

Maging si Jetty Administrator Nieven Maquirang ay nagtataka kung bakit ngayon palamang nai-sampa ang kaso laban sa pamahalaang probinsya may kaugnayan sa makontrobirsyal na reklamasyon sa Caticlan.

Sapagkat sa pahayag nito sa panayam ng YES FM, sinabi ng administrador na nasa walongpung pursienyento na ang natatapos sa ginagawang pagtatambak sa proyektong ito na 2.6 hectar.

Aniya, sa kasalukuyan ay ang pag papatag at pagtambak upang tumaas nalamang ang ginagawa ng kontraktor samantala ang lay out ay patapos na rin.

Dagdag pa nito, na nasa estado na rin sila ng pag-gawa ng desinyo para sa gusaling ilalagay dito at iyon at ekslusibo lamang para paglilipatan ng passenger terminal upang magkaroon na rin ng kakayahang makatanggap ng milyong turista o pangmaramihan bisita ang pantalan.

Samantala, sa kasalukuyan ay hindi rin maiiwasan na magtanong ang nakakarami kung ano pa ang epektong dala ng pagkaso ng BFI gayong patapos na rin ang reklamasyon. 

MOA na pinasok ng probinsya tsismis lang daw


(Ni Edzel Mainit, YES FM Boracay Senior Field Reporter)

Mariing itinanggi ni Jetty Port Administrator Nieven Maquirang ang kumakalat na impormasyon na pumasok ang pamahalaang probinsya sa isang kasunduan o Memorandum of Agreement MOA sa isang negosyante na planong magpatayo ng Shopping Mall sa Caticlan.

Sa paglilinaw nito, inihayag ni Maquirang na kung may mga impormasyon na katulad nito ay hindi makakalusot sa kanila dahil idadaan ito sa Sangguniang Panlalawigan para sa pag-aproba.

Dahil dito sa pananaw ng administrador ay tsismis lamang ang impormasyon at mistulang ginawa lang ito para ilihis ang punto na pawang pang Jetty Port na gamit lamang ang pagtatambak na proyektong ito.

Maliban dito, inamin ni Maquirang na siya mismo ay hindi sang-ayon na lagyan ng Shopping Mall sa bandang Jetty Port na kailangan pang magkaroon ng panibagong reklamasayon.

Pero kung magkaroon man aniya ay sa mainland umano siguro ito ilalagay, para mapa-unlad din ito.

Magugunitang naging laman ng usap-usap kamakailan lamang na pumasok umanom sa MOA ang pamahalaang probinsya na pumapayag na magkaroon ng reklamasyon sa Caticlan na napaloon sa apat na pung ektaryang inaprobahan ng Philippine Reclamation Authority PRA upang pagtayuan ng Shopping Mall.  

Operasyon sa pagtanggal at pagbenta sa mga korales sa Boracay, walang nai-ulat

(Ni Edzel Mainit, YES FM Boracay Senior Field Reporter)

Kampante at tiwala ang CENRO Boracay na walang ipinupuslit na korales mula sa isla.

Ito ay malugod na kinumpirma ni Boracay CENRO Officer Merlita Ninang na walang nangyayari ng extraction o pagtatangal ng mga korales sa isla at inilalabas o ibinebinta sa ibang lugar katulad sa mga nangyayari sa Zamboanga na naharangang ng taga Bureau of Custom na ipupuslit na sana palabas ng bansa kamakailan lamang.

Ayon kay Ninang, dito sa Boracay ay wala pa siyang nalalaman o natanggap na ulat na  mayroong pangyayari na ganito uri ng operasyon.

Pero sinabi nito na sa kasalukuyang sitwasyon ng mga korales sa Boracay, ang nangyayari dito na nakakasira sa mga yamang dagat, ay pang-a-angkla ng mga bangka.

Kung saan ito ang pinagmamalasakitan ngyaon ng Task Force Boracay kung papano maiwasan ang pagkasira dala nito.

Pagkamatay ng dalagita sa Boracay, di pa malinaw ang dahilan

(Ni Edzel Mainit, YES FM Boracay Senior Field Reporter)

Natapos na ang otopsiya sa bangkay ng labin-pitong taong gulang na dalagita matapos madiskubreng wala nang buhay at tinambakan ng bato sa isang maliit na kuweba  sa Sitio Lapus-lapus, Balabag Boracay nitong Linggo, ika dalawangput-siyam ng Mayo.

Gayunpaman, sa pahayag ni Supt. Sammuel Nacion, Hepe ng Boracay Pulis nang kapanayamin ito nitong umaga, sinabi opisyal na sa ngayon ay hindi pa nailalabas ang resulta ng otopsiya, kaya hindi pa matukoy kung ano talaga ang sanhi ng ikinamatay nito.

Sinabi din ni Nacion na may suspek na silang sinusundan sa kasalukuyan at hawak na nila ang pangalan nito. Pero wala umanong sapat na ebidensyang makakapagpatunay at madiin ang salarin.

Dahil dito patuloy parin ang pangangalap ng ebidensya ang Boracay Pulis na makakapagpatunay sa suspek na siyang tinuturo sa pagmakatay ng dalagita mapa testimonial o circumstantial evidence man ito.

Samantala, pormal na ngayong nailagak ang mga labi ng biktima matapos ibigay ito sa pangangalaga ng pamilya mula sa isinagawang otopsiya ng Regional Crime Laboratory nitong Miyerkules.