Posted July 2, 2014
Ni Jay-ar M. Arante, YES FM Boracay
Pansamantala munang hindi tatangap ng mga pasyente ang
Boracay Hospital o Don Ciriaco S. Terol Hospital dahil sa under construction
ito.
Ito ang sinabi ni Malay SB Member Pater Sacapañio matapos
ang isinagawang SB Session kahapon ng umaga.
Aniya, totally closed umano ito simula kahapon para sa
mas mapabilis ang paggawa ng naturang hospital.
Ngunit dahil dito nag-aalala naman si Sacapañio para sa
mga posibleng pasyenteng kinakailangang dalhin sa hospital.
Nabatid na ang nasabing utos ay inilabas ng Provincial
Health Office kung saan isa sa binabalak nilang lagyan ng pasyente ay ang
Municipal Health Office (MHO) sa Brgy. Balabag.
At dahil maliit lamang ito, duda naman ang nasabing
ospital na maaaring gamitin ang MHO bilang pansamantalang lagayan ng pasyente.
Ayon naman sa ilang konsehales, maaari silang makapaghanap
ng lugar o kwarto para sa mga pasyente ngunit kailangan umanong magbayad nito ay
ang PHO.
Matatandaang ang pagsasaayos ng Boracay Hospital ay isang
proyekto ng Provincial Health Office sa pakikipagtulungan ng Aklan Government
at ng LGU Malay.
Samantala, base rin sa plano gagawin itong tatlong
palapag, lalagayan ng elevator at iu-upgrade ang mga kagamitan kasabay ng
paglalagay ng karagdagang doktor at ilang medical assistance para mapunan ang
pangangailangan ng mga pasyente mula sa isla ng Boracay lalo na ang mga
turista.
No comments:
Post a Comment