YES THE BEST 911 BORACAY

Thursday, October 16, 2014

Mga pasahero at publiko, walang dapat ikabahala sa Ebola Virus ayon sa CAAP

Posted October 16, 2014
Ni Bert Dalida, YES FM Boracay

Walang dapat ikabahala ang mga pasahero at publiko tungkol sa Ebola Virus.

Ayon kay Civil Aviation Authority of the Philippines (CAAP) Kalibo Manager Cynthia Aspera, ligtas ngunit naghahanda naman ang Kalibo Airport laban sa Ebola, maliban sa  kampante umano itong nasasala na rin ang mga pasahero bago dumating sa bansa.

Ayon pa kay Aspera, 24 oras ding nagbabantay ang mga quarantine officials sa Kalibo Airport katulad sa pagbabantay din umano nila sa kinatatakutang Middle East respiratory syndrome corona virus o MERS-CoV.

Samantala, tumanggi munang magbigay ng pahayag tungkol dito ang Caticlan Airport, sa kabila ng paniniwalang wala ring dapat ikabahala ang publiko sa nasabing Ebola virus.

Magugunita namang sinabi ni DOH Assistant Secretary Eric Tayag sa katatapos na National Ebola Virus Disease Summit na kulang ang travel restrictions ng bansa laban sa nakamamatay na sakit.

No comments:

Post a Comment