YES THE BEST 911 BORACAY

Wednesday, January 28, 2015

Panukalang 2015 Base Market Values sa Aklan, ibinasura ng DOJ

Posted January 28, 2015
Ni Gloria Villas, YES FM Boracay

Ibinasura ng Department of Justice (DOJ) ang panukalang 2015 General Revision of Base Market Values sa Aklan.

Sa siyam na pahinang desisyon ng kataas –taasang hukom sa petisyon ng dalawang opisyal sa Aklan.

Ideneklarang "null and void for being contrary to law," ang nasabing panukala.

Ayon kay Justice Secretary Leila De Lima, hindi sumunod sa tamang proseso ng pagsusumite ng kaukulang dokumento ang pagtaas ng buwis sa probinsya alinsunod ng Local Government Code.

Kaugnay nito, nabatid na sina SP Member Rodson Mayor at New Washington Mayor Edgar Peralta naman ang naghain ng petisyon na humihiling sa Justice department na ideklarang illegal ang bagong bayarin sa buwis.

Samantala, nilinaw din ni De Lima na hindi sila nakatanggap ng komento magmula sa provincial government kaugnay ng nasabing petisyon.

Nabatid naman na sinabi ni Provincial Assessor’s Office head Kokoy Soguilon na magkakaroon ang pamahalaang probinsyal ng apela tungkol sa nasabing desisyon.

Magugunita naman na base sa binagong mga iskedyul na napapaloob sa General Revision ng ordinansa, isinaayos ng SP ang assessment level sa 14% mas mababa kaysa 15% na orihinal na iminungkahi ng Provincial Assessor para sa lahat ng residential real properties.

Samantala, ang assessment level naman para sa industrial at commercial properties ay 33% mas mababa sa 50% na unang iminungkahi.

Sa agricultural properties naman, ibinaba ito sa 34% mula sa 40% na orihinal na ipinanukala ng Provincial Assessor Office.

No comments:

Post a Comment