Posted March 16, 2015
Ni Gloria Villas, YES FM Boracay
Patay na nang matagpuan ang isang babae kahapon ng
umaga sa So. Tulubhan Manoc-Manoc, Boracay.
Nabatid sa police report ng Boracay PNP na natagpuan
na lamang ng ilang residente sa lugar ang wala nang buhay na si Dona Vivas,
nasa 26-30 anyos, tubong Leyte at residente ng Sitio Lugutan, Manoc-manoc.
May mga tama ng saksak o multiple stab wounds sa
katawan ang biktima.
Una rito, may nakarinig umano ng sigaw at humihingi
ng saklolo sa lugar dakung alas 3:00 ng madaling araw, subali’t wala umanong
pumansin nito.
Kaagad namang rumesponde sa crime scene ang mga
kapulisan kasama ang SOCO-Boracay Satellite Office.
Magkaganon paman, blangko parin ang mga ito sa
pagkakakilanlan ng suspek o mga suspek sa krimen.
Kasalukuyang nasa isang punerarya ang bangkay ng biktima.
No comments:
Post a Comment