YES THE BEST 911 BORACAY

Saturday, March 07, 2015

Construction at expansion project ng Boracay Hospital naantala dahil sa pag-iba ng plano

Posted March 7, 2015
Ni Jay-ar M. Arante, YES FM Boracay

Isa umano sa mga dahilan kung bakit naantala ang ginagawang construction at expansion project ng Boracay Hospital ay dahil sa pag-iba ng ilang plano

Ayon kay Doktora Michele Depakakibo ng Boracay Hospital ang huli umanong abiso sa kanila ng Department of Health (DOH) Region 6 na siyang may hawak ng naturang proyekto ay ang pag-revise ng electrical sa ginagawang pagamutan.

Sinabi din nito na ang phase 1 lang muna sa ngayon ang tatapusing ipagawa ng DOH kung saan may nakalaan na rin umanong pondo rito ang nasabing ahensya.

Dahil sa nasabing pagkaantala hindi umano sila ngayon tumatanggap ng maramihang pasyente dahil sa kakulangan ng kwarto na limitado lamang sa anim na kadalasan ay magkatabi pa sa iisang kama.

Samantala, inaantay nalang umano nila ngayon ang panibagong plano para dito ng DOH Region 6 at ng Provincial Health Office ng Aklan kung saan nakiusap din ito sa mga kinauukulan na kung maaari ay mabigyan na agad ng solusyon kung mayroon mang problema sa nasabing proyekto.

No comments:

Post a Comment