Ni Jay-ar M. Arante, YES FM Boracay
Magkakaroon na naman ngayon ng bagong hepe ang Boracay
Island Special Fire Protection Unit (BISFPU) matapos na ma-relieved sa kanyang panunungkulan
si Fire Inspector Stephen Jardeleza.
Si Jardeleza ay pansamantalang papalitan ni Senior Fire
Officer 2 Oscar de Borja Jr.na magsisislbi munang tagapangalaga ng BISFPU.
Ayon kay Jardeleza umano nanungkulan noong Agosto
2014 at nagtapos naman nitong Nobyembre 16 kung saan ito umano ay base sa
mandato ni BFP regional director Senior Superintendent Lindy Lauzon.
Sa ngayon ma-a-assigned na umano siya sa Office of the
Regional Director (ORD) sa Bureau of Fire Protection (BFP) Region 6 isa Iloilo
City.
Nabatid na isa sa mga naging malaking hamon sa
panunungkulan ni Jardeleza sa isla ng Boracay ay ang nangyaring sunog sa
Talipapa Bukid na nag-iwan ng malaking pinsala sa mga residente at mga
negosyante.
Samantala, nagpapasalamat naman si Jardeleza sa lahat ng
mga naging katuwang nila sa isla ng Boracay sa pamamagitan ng LGU Malay,
KABALIKAT CIVICOM, Boracay PNP, Philippine Red Cross at iba pang mga
stakeholders sa isla.
No comments:
Post a Comment