YES THE BEST 911 BORACAY

Saturday, April 18, 2015

3 libong police sisimulan nang e-deploy sa Mayo 5 para sa APEC meeting sa Boracay

Posted April 18, 2015
Ni Jay-ar M. Arante, YES FM Boracay

Image result for apec ministerial meeting 2015Kasado na ang ginagawang paghahanda ng Philippine National Police (PNP) para sa deployment ng mga pulis sa nalalapit na APEC ministerial meeting sa Boracay ngayong Mayo.

Ayon kay Boracay Tourist Assistance Center OIC PSInsp.Frensy Andrade, simula umano sa Mayo 5 ay ipapakalat na ang tatlong libong pulis mula sa Kalibo International Airport hanggang sa Caticlan sa bayan ng Malay.

Sinabi nito na sa Mayo 10 na ang dating ng mga delegado sa probinsya ng Aklan kung saan mula sa nasabing paliparan ay diritso ang mga ito sa isla ng Boracay.

Samantala, lahat umanong mga Sitio sa isla ay may mga naka-standby na mga police hanggang sa matapos ang nasabing meeting sa Boracay.

Nabatid na mahigit sa dalawang libong delegado mula sa ibat-ibang bansa ang kasama sa nasabing APEC meeting na magtatagal ng dalawa o tatlong linggo.

Samantala, pagpasok ng buwan ng Mayo isang mahigpit na seguridad ang ipapatupad sa Boracay lalo na sa mga lugar na pagdadarausan ng naturang APEC ministerial meeting.

BIR iginiit na may mga resort sa Boracay na hindi nagbabayad ng Tax

Posted April 18, 2015
Ni Jay-ar M. Arante, YES FM Boracay

Image result for BIRIginiit ngayon ng Bureau of Internal Revenue (BIR) Aklan na may ilang mga resort sa Boracay ang hindi nagbabayad ng tamang buwis.

Ayon kay Bureau of Internal Revenue (BIR) Aklan revenue district officer Eralen De Aro, binibigyan din umano nila ang mga ito ng tiyansang makapagbayad ngunit kung hindi umano ay nagpapalabas sila ng order na ipasarado ang establisyemento.

Idinagdag naman ni De Aro na nakakatanggap ang kanilang tanggapan ng ilang reklamo tungkol sa mga negosyo sa Boracay na walang BIR registration.

Dahil dito nagsagawa umano sila ng mapping sa Boracay para alamin ang nasabing reklamo ngunit bigo naman silang matunton ang mga ito matapos silang takbuhan.

Samantala, tumanggi namang pangalanan ng BIR kung anong mga resort sa Boracay ang hindi nagbabayad ng tamang buwis.

Nabatid na target ngayon ng BIR-Aklan na maka-kolekta ng P1.5 billion sa tax ngayong taon.

PHO-Aklan, nagbabala laban sa heat stroke ngayong Summer Season

Posted April 18, 2015
Ni Gloria Villas, YES FM Boracay

Huwag kalilimutang magdala ng payong at bote ng tubig upang maiwasan ang heat stroke habang namamasyal.

Ito ang paalala ng Provincial Health Office (PHO) Aklan sa publiko upang maiwasan ang heat stroke ngayong Summer Season.

Ayon kay Provincial Health Officer II, Dr. Victor Santamaria, ng PHO Aklan.

Kailangan din itong gawin sa ganitong panahon ng bakasyon, kung saan karaniwang nagtutungo sa mga beach ang mga tao para magbilad sa init ng araw.

Samantala, payo din ng DOH na gumamit ng sun block bilang proteksiyon sa ultraviolet rays ng araw.

Ayon kay Santamaria, nangyayari ang heat stroke kapag ang katawan ng tao ay nakabilad ng mahabang oras sa matinding init ng araw.

Ang sintomas umano nito ay pagka-uhaw, pagkahilo, pagsusuka, masakit na ulo at low blood pressure.

Ang heat stroke ay maaaring mauwi sa pagkahimatay o seizure, na posibleng matuloy sa comatose kung hindi agad nalapatan ng lunas.

Kaugnay nito nagpapatuloy pa ang monitoring ng PHO sa mga naitatalang kaso ng heat stroke sa probinsya.