YES THE BEST 911 BORACAY

Saturday, August 01, 2015

Benipisyo ng itinayong Windmill sa brgy. Napaan muling inungkat ni SB Aguirre

Posted August 1, 2015
Ni Jay-ar M. Arante, YES FM Boracay

Muling inungkat ni Malay SB member Rowen Aguirre kung ano-anong benipisyo ang nakuha ng mga residente ng brgy. Napaan sa Malay matapos ang itinayong Windmill sa lugar.

Ito ang sinabi ni Aguirre sa ginanap na SB Session ng Malay nitong Martes matapos niyang mapansin ang kulay putik na tubig na dumadaloy sa Napaan River.

Nabatid na mismong sa nasabing ilog itinayo ng PetroWind ang kanilang wind turbine kung kaya ganito lamang ang pagkabahala ni Aguirre sa epekto nito sa mga residente sa lugar at sa kalikasan.

Ayon naman kay Napaan brgy. Captain Ruben Sullano hindi naman gaano naapektuhan ang nasabing ilog kung saan din kumukuha ng maiinom na tubig ang mga residente sa lugar.

Ngunit dahil sa nagkaraon umano ng kaunting discoloration ang tubig sa Napaan ay binigyan naman sila ng maiinom na water supply ng PetroWind hanggang sa hindi bumabalik sa normal na kulay at kalinisan ang tubig nito.

Maliban dito nabigyan din umano ng serbisyo ang kanilang komununidad kung saan ang ilan sa mga residente lalo na ang mga kalalakihan ay napabilang sa ginawang construction ng wind turbine at sa paglalagay ng coco-fiber at erosion mat installation sa lugar.

Police Sup. Danilo Delos Santos itinalaga bilang bagong hepe ng Boracay PNP

Posted August 1, 2015
Ni Jay-ar M. Arante, YES FM Boracay

Meron ng bagong itinalagang bagong Chief of Police ang isla ng Boracay sa katauhan ni Superintendent Danilo Delos Santos mula sa siyudad ng Iloilo.

Ito ay matapos ang isinagawang pinakabagong revamp o pagbalasa sa mga opisyal ng Aklan Police Provincial Office o APPO.

Nabatid na si Delos Santos ay dating head ng Aklan Provincial Intelligence Branch bago ipinalit  kay Senior Inspector Frensy Andrade bilang OIC o officer-in-charge ng Boracay Tourist Assistance Center (BTAC) na nanungkulan sa loob ng anim na buwan.

Ayon naman kay Delos Santos, makikipag-coordinate siya sa mga local, brgy. Officials at force multipliers sa anti-criminality campaign sa isla kung saan proyoridad din umano nito ang seguridad ng mga turista at mga residente sa Boracay.

Samantala, nakatakdang mamuno si Delos Santos ngayong linggo kung saan tinanggap nito ang hamon ni Provincial director Senior Superintendent Iver Apellido nito lamang Hulyo 28.

Si Delos Santos ay nagmula sa Iloilo City matapos maitalagang chief of police ng San Rafael police station, Estancia, San Dionisio at Molo police station bago ma-assigned sa probinsya ng Aklan.

Pagpalit ng fiber glass sa mga bangka ng CBTMPC mahigpit na tinutulan ni Sadiasa

Posted August 1, 2015
Ni Jay-ar M. Arante, YES FM Boracay


Image result for jetty portMahigpit ang ginawang pagtutol ng Caticlan Boracay Transportation Multi Purpose Cooperative (CBTMPC) na palitan ang mga wooden boat ng kanilang kooperatiba ng fiber glass.

Ayon kay CBTMPC Chairman Godofrido Sadiasa, meron umanong memorandum na ibinigay sa kanila ang Maritime Industry Authority (MARINA) na nagsasabing kinakailang e-convert ang kahoy na bangka sa fiber glass na may biyaheng Boracay-Caticlan vice versa.

Ngunit sinabi nito na mahirap umano nila itong maipatupad dahil sa sila umano ay isang kooperatiba at hindi naman milyonaryo ang kanilang mga miyembro.

Aniya, dapat umanong ipatupad ang mga fiber glass boat doon sa may mga malalayong biyahe katulad ng Caticlan-Romblon at Iloilo-Guimaras.

Maliban dito hindi umano kakayanin ng mga operators sa kanilang kooperatiba na gumastos ng ilang milyon peso para lamang mapalitan ang kanilang mga di-kahoy ng bangka ng fiber glass.

Nabatid na nagpatawag kamakailan ng meeting ang Marina Region 6 para e-implementa ang zero wooden boat policy matapos ang nangyaring paglubog ng bangkang yari sa kahoy sa Ormoc City na ikinamatay ng maraming pasahero.

Samantala, nakatakda naman umanong umapila si Sadiasa sa Marina National Office para sa mahigpit na pagtutol nito sa nasabing kautusan.

Registration ng Comelec sa isang Mall sa Kalibo hindi imposibleng mangyari

Posted August 1, 2015
Ni Jay-ar M. Arante, YES FM Boracay

Hindi umano imposibleng may mangyaring registration ang Commission on Elections (COMELEC) sa Gaisano Mall sa bayan ng Kalibo.

Ito ang sinabi ni Getulio Esto ng Comelec Aklan kung saan nakatakda umanong makipag-dayalogo at gumawa ng memorandum ang COMELEC Aklan sa pamamagitan ng nasabing mall para sa inaasahang Comelec registration tuwing araw ng Sabado.

Dagdag pa ni Esto nakadepindi din umano ang respresentasyon nito kay Atty. Ian Lee Ananoria ng Provincial Comelec ng Aklan at sa management ng mall kung saan ilalagay ang Biometrics registration.

Sinabi din nito na kung sakaling walang maganap na registration sa mall ay bukas din umano ang kanilang tanggapan na may layo lamang na 200 metro mula sa Gaisano.

Nabatid na layunin ng COMELEC na hikayatin ang mas marami pang botante na magparehistro kung saan ang voter’s registration ay para sa May 2016 national polls na nakatakdang magtapos sa Oktubre.

Friday, July 31, 2015

Penalidad ng PetroWind sa DENR umabot na ng halos P8 milyong peso

Posted July 31, 2015
Ni Jay-ar M. Arante, YES FM Boracay

www.Aklan camera org
Tinatayang umabot na sa halos P8 milyon ang naging penalidad ng PetroWind Energy Incorporated sa Department of Environmental and Natural Resources (DENR).

Ito ang sinabi ni Community Environment and Natural Resources Office (CENRO) Boracay Officer In Charge Jonne Adaniel nitong nakaraang Martes sa SB Session ng Malay.

Dito tinanong siya ni SB member Jupiter Gallenero kung anong mga violations ang nilabag ng PetroWind na tinutukoy sa kanilang ECC condition.

Ayon naman kay Adaniel ang nagawa umanong paglabag ng PetroWind noong ginagawa ang construction ng wind turbine generators sa Napaan at Pawa area ay dahil hanggang ngayon umano ay hindi pa nila na ayos ang kanilang kaukulang permit mula sa DENR.

Partikular umano rito ay ang nakapaloob sa forestland agreement para sa mga lugar na naayos sa loob ng timberland area sa Pawa, Nabas kung saan tinukoy nito na ang nasabing permit ay naipasa na sa central office dalawang taon na ang nakakalipas.

Sinabi din nito na patuloy parin umanong pinoproseso ng nasabing kumpanya ang klasipikasyon ng lupa ngunit dahil umano sa DOE ay ipinagpatuloy nila ang kanilang ginagawang construction activity.

Iginiit naman ni Adaniel na nakapagbigay na umano ng penalidad ang DENR dahil sa patuloy na construction na walang kaukulang permit kung saan kabilang umano rito ang tree-cutting violations sa forest charges at ang violation sa entry ng timberland ng walang paunang permit.

Kaugnay nito kamakailan umano ay nakapagbayad na ang PetroWind ng P200, 000 ngunit sa ngayon umano ay umabot na ito ng halos P8 Milyong peso.

DOT sinigurong mananatili ang Kalibo International Airport bilang Aklan Province and Northern Panay’s Premier Gateway

Posted July 31, 2015
Ni Jay-Ar M. Arante, YES FM Boracay

Siniguro ngayon ng Department of Tourism (DOT) Region 6 na mananatili parin ang Kalibo International Airport bilang Aklan Province and Northern Panay’s Premier Gateway.

Ito’y dahil sa kabila ng ginagawang expansion project ng TransAir sa Caticlan Airport sa bayan ng Malay sa Aklan na gagawin namang International Airport at inaasahang matatapos sa taong 2018.

Dahil dito siniguro ngayon ng DOT Officials na ang Kalibo International Airport na nakatayo 76 kilometers mula sa isla ng Boracay ay kanilang e-propromote bilang long-haul flights.

Ayon naman kay DOT Regional Director Helen Catalbas, ang dalawang airport ay uunlad ng sabay kung saan ang Caticlan ay magiging short haul flights.

Samantala, ang Kalibo International Airport ay nasa ilalim ng pamamalakad ng gobyerno sa pamamagitan ng Civil Aviation Authority of The Philippine (CAAP) kung saan tumatanggap ito ng direct flights mula South Korea via Kalibo at Taiwan via Manila at iba pang flights mula sa ibang bansa.