YES THE BEST 911 BORACAY

Saturday, August 08, 2015

12-anyos na American Boy muntikan ng malunod sa Boracay dahil sa lakas ng alon

Posted August 8, 2015
Ni Jay-ar M. Arabnte, YES FM Boracay


Masuwerteng nailigtas ng dalawang lifeguard ng Philippine Red-Cross Boracay-Malay Chapter ang isang 12-anyos na American Boy na muntikan ng malunod habang naliligo sa dagat.

Unang nakitang naliligo ang bata sa Station 1 sa area ng Willy's Rock at Nigi Nigi Lifeguards Station kung saan may kalakasan ang alon dulot ng Habagat.

Photo Credit to Mar Schonenberger
Nabatid na sa sobrang lakas ng alon ay nahirapan ang batang lumangoy kung saan unti-unti din itong hinihila ng tubig ngunit mabilis namang na-rescue ng mga naka-bantay na lifeguard sa lugar na kinilalang sina Gilbert Dugang at Rex Dugang.

Dahil dito mabilis nilang naiahon ang nasabing bata at dinala sa ligtas na lugar kung saan nasa maayos na rin itong kalagayan ngayon.

Kaugnay nito pinaalalahanan naman ng mga lifeguard ang bata na huwag muling maliligo kung may kalakasan ang lalon lalo na at kung hindi naman marunong lumangoy.

Samantala, paalala naman ng Red-Cross sa lahat ng mga maliligo sa dagat na kung maaari ay huwag lumagpas sa Red at Yellow Flags na kanilang inilagay sa beach area para maiwasan ang pagkalunod.

Seguridad sa BJMP sa Kalibo Aklan mas hinigpitan dahil sa nakabilanggong NPA leader

Posted August 8, 2015
Ni Jay-ar M. Arante, YES FM Boracay

Image result for Bureau of Jail Management and Penology (BJMP)Mas hinigpitan ngayon ng mga otoridad ang seguridad sa Bureau of Jail Management and Penology (BJMP) sa Kalibo, Aklan kung saan ngayon nakakulong ang leader ng NPA.

Si Maria Concepcion Araneta Bocala o mas kilala sa tawag na “Ka Concha” ay nakakulong ngayon sa BJMP makaraang maaresto ng mga pulis sa inuupahan nitong bahay sa Calumpang, Molo, Iloilo City nitong Agosto 1, 2015 sa bisa ng warrant of arrest for murder with Criminal Case Number 1494 na-inisyu ng Regional Trial Court 6, Branch 2 sa Kalibo, Aklan.

Nabatid na si Bocala, 65-anyos ay isang secretary general ng Komite Rehiyonal Panay of the Communist Party of the Philippines na kinabibilangan ng Iloilo, Capiz at Aklan.

Kaugnay nito doble-doble ang ginagawang seguridad sa loob ng kulungan kung saan hinigpitan din maging ang dalaw ng mga ibang nakakulong sa BJMP.

Samantala si Bocala at dalawa pang kasama nitong miyembro ng CPP-NPA ang itiniturong pumatay sa biktimang si Metodio Inisa noong Setyembre 17, 1975 sa Brgy. Panipiason, Madalag Aklan.

Boracay PNP kinilala bilang 2015 Best Performing Police Station sa Aklan

Posted August 8, 2015
Ni Jay-ar M. Arante, YES FM Boracay

Kinilala nitong Hulyo ang Boracay Tourist Assistance Center (BTAC) bilang 2015 Best Performing Police Station sa larangan ng Police Community Relations sa probinsya.

Ito ay dahil sa maganda nilang ipinakitang mga programa para sa komunidad at residente sa isla ng Boracay lalo na sa mga turista.

Maliban dito kinilala rin bilang Best PCR PNCO si PO3 Christopher Mendoza dahil sa kanyang magandang performance na ipinakita sa Aklan Police Provincial Office kung saan ang BTAC ay itinanghal na number 1 sa isinagawang Unit Performance Evaluation Rating noong Hulyo 2014 hanggang Hulyo 2015 sa pamamagitan ng Police Community Relations accomplishment.

Ikinatuwa naman ni Mendoza ang nakuhang parangal kung kayat nagpapasalamat naman ito sa kanilang mga naging partner agencies sa ibat-ibang community at school based projects at activities na ginawa para sa ikabubuti ng komunidad sa isla ng Boracay.

Problema sa linya ng tubig ng mga residente sa Balinghai Yapak inilapit sa SB Malay

Posted August 8, 2015
Ni Jay-ar M. Arante, YES FM Boracay

Image result for water supplyInilapit ng mga residente ng Balinghai Yapak sa Boracay ang kanilang problema sa linya tubig sa Sangguniang Bayan ng Malay.

Sa nakaraang SB Session nitong Martes isang petition letter ang ipinadala ng mga residente ng Balinghai para ipaalam sa konseho ang kanilang problema at upang magawan ng agarang aksyon.

Nabatid kasi na ang dahilan ng pagkawala ng tubig sa lugar ay dahil sa pinuputol umano ng hindi matukoy na mga personalidad ang mga tubo ng tubig na dumadaloy sa mga kabahayaan sa Balinghai.

Dahil dito gumawa na rin ng aksyon ang Brgy. Official’s ng Yapak kung saan inutusan na rin ni Brgy. Captain Hector Casidsid ang mga brgy. Tanod na magbantay sa naturang lugar para mahuli kung sino man ang gumagawa nito.

Samantala, nagsagawa naman ng Committee Hearing ang Sangguniang Bayan ng Malay para mabigyan ng aksyon ang naturang problema.

Friday, August 07, 2015

Bagong Boracay PNP Chief Danilo Delos Santos pormal ng umupo sa kanyang pwesto

Posted August 7, 2015
Ni Jay-ar M. Arante, YES FM Boracay

Pormal ng umupo ngayong linggo sa kanyang pwesto bilang bagong Officer In-Charge ng Boracay PNP si PSUPT Danilo Delos Santos.

Nitong araw ng Miyerkules ay nagpakilala si Delos Santos sa mga personnel ng Boracay Tourist Assistance Center (BTAC) kasabay ng pagsagawa ng PICE sa mga pulis.

Si Delos Santos ang pumalit kay PSI Frensy Andrade na dating OIC ng Boracay PNP na nanungkulan naman sa loob ng anim na buwan.

Samantala, kasabay ng pag-upo ni Delos Santos bilang bagong OIC Chief ay nagsagawa naman ang NAPOLCOM Region 6 nang-inpeksyon sa BTAC personnel na pinangunahan ni Atty. Jerome Asuga, Chief TSD ng NAPOLCOM at sa presensya ni Delos Santos.

Kasama naman sa ginawang PICE ng NAPOLCOM sa mga personnel ay ang Checking and Observance of Pulis Tamang Bihis, Long and Short Firearm inspection at Physical accounting ng BTAC Personnel.

Samantala, nakatakda namang makipagpulong sa Local Government Unit ng Malay at sa mga Law Enforces sa Boracay ang pag-upo ni Delos Santos.

Philippine Coastguard todo alerto sa biyahe ng mga bangka sa Boracay dahil sa sama ng panahon

Posted August 7, 2015
Ni Jay-ar M. Arante, YES FM Boracay

Image result for philippine coast guard caticlanTodo alerto ngayon sa pagbabantay sa biyahe ng mga bangka sa Boracay ang Philippine Coastguard (PCG) Caticlan dahil sa banta ng sama ng panahon dulot ng bagyong Hanna.

Ayon kay Chief Master at Arms CPO Caticlan Adan Ayopela, may nakataas umano ngayong  gale warning sa probinsya ng Aklan kung kayat mahigpit nilang ipinag-babawal na maglayag ang mga maliliit na bangka kasama na ang biyaheng Hambil at Sta. Fe sa Romblon.

Maliban dito naka-standby naman umano ang pwersa ng PCG sa mga pantalan sa Boracay at Caticlan upang e-monitor ang mga biyahe ng mga sasakyang pandagat kung saan nakahanda naman ang kanilang mga kagamitan sakaling may mangyaring insidente sa karagatan.

Sinabi pa ni Ayopela na walang mangyayaring kanselasyon ng biyahe ng mga bangka hanggat kayang maglagay ng mga ito at walang nakataas na storm signal number sa probinsya.

Nabatid na kasalukuyan ngayong nananalasa ang bagyong Hanna sa ilang lugar sa Luzon habang ang Western Visayas ay apektado ng malakas na Habagat.

Lider ng NPA na si “Ka Concha’ ikinulong sa Aklan BJMP

Posted August 7, 2015
Ni Jay-ar M. Arante, YES FM Boracay

Image result for kulunganHimas rihas sa Aklan BJMP sa Brgy. Nalook, Kalibo si Maria Conception “Ka Concha” Araneta Bocala ang secretary-general ng Communist Party of the Philippines (CPP) Panay Regional Party Committee.

Ito ay matapos siyang maaretso noong nakaraang Sabado sa Calumpang, Molo, Iloilo City base sa inilabas na warrant of arrest sa kasong murder ng Branch 2, Aklan RTC.

Ang 65-anyos na si Ka Concha ay nahaharap sa kasong pagpatay sa biktimang si Metodio Inisa noong Setyembre 17, 1975 sa Brgy. Panipiason sa bayan ng Madalag, Aklan kung saan kasama rin sa mga suspek rito ay ang dalawa pang miyembro ng CPP-NPA na si Roberto alyas “Ka Iking” at “Noel”.

Napag-alaman na sinamapahan din ng kasong illegal possession of firearms and explosive sa korte ng Iloilo si Bocala matapos na makuha sa posisyon nito ang isang granda, baril at mga bala.

Nabatid na si Bocala na bahagi ng CPP-NPA central committee ay may patong sa ulo na umaabot sa P7.5 million kung saan may kinakaharap rin itong kasong rebelyon na isinampa may 15 taon na ang nakaraan.

Samantala, napag-alaman na ipinipilit naman ni Ka Concha na iligal ang pag-aresto sa kanya ng  Criminal investigation and Detection Group (CIDG) at ng Military Intelligence Group sa Calumpang, Molo.

Sa ngayon mas-pinaigting naman ng mga kapulisan ang seguridad sa lahat ng bayan sa Aklan at sa kalapit na probinsya.

Thursday, August 06, 2015

Emergency Shelter Assistance para sa mga biktima ng bayong Yolanda sa Boracay naipamahagi na!

Posted August 6, 2015
Ni Jay-ar M. Arante, YES FM Boracay

Image result for dswd for yolanda victimsMakalipas ang ilang taong paghihintay natanggap na rin sa wakas ng mga biktima ng Super Typhoon Yolanda sa Boracay ang kanilang Emergency Shelter Assistance mula sa gobyerno.

Simula kaninang alas-8 ng umaga ng ipinamigay sa Yolanda victims na kasama sa partially damage ang kanilang ESA na nagkakahalaga ng P10, 000 bawat pamilya.

Ito ay pinangunahan naman ng Municipal Treasures Office ng Malay at ng Municipal Social Welfare Development Office (MSWDO) sa pamumuno ni MSWD Officer In Charge Madel Dee Tayco.

Una itong ipinamahagi sa mga residente ng Yapak at Balabag na kabilang sa listahan ng MSWDO na partially affected ang kanilang bahay ng nasabing bagyo habang sa Brgy. Manoc-manoc naman ay ipinamigay nitong hapon lamang.

Kaugnay nito ang mga Brgy. naman sa mainland Malay ang makakatanggap bukas  ng naturang Emergency Shelter Assistance na kinabibilangan ng Naasog, Kabulihan, Dumlog, Poblacion, Balusbus, Motag, Napaan, Cubay Sur, Cubay Norte, Nabaoy, Napaan, Argao, Sambiray at Caticlan.

Samantala, napag-alaman na hindi pa dumadating ang assistance fund na para naman sa mga totally damage na nagkakahalaga ng P30, 000.

Ang Malay ay isa sa mga apektadong bayan sa Aklan ng manalasa ang bagyong Yolanda noong 2013 na nagdulot ng kasiraan sa mga bahay, emprastraktura at mga pananim.

“Self accident” sanhi ng ikinamatay ng isang lalaki sa Boracay

Posted August 6, 2015
Jay-ar M. Arante, YES FM Boracay

Image result for namatayIsang lalaki na nag-aagaw buhay ang isinugod sa Don Ciriaco S. Tirol Memorial Hospital o Boracay Hospital kaninang umaga.

Sa blotter report ng Boracay PNP nakilala ang biktimang si Jimmy Arisga y Saclolo 22-anyos at residente ng Mindoro ngunit pansamantalang nakartira sa Brgy. Caticlan, Malay, Aklan.

Nabatid na alas-8:45 ng umaga ng isugod ito sa nasabing pagamutan ngunit bandang alas-9 ng kaparehong araw ay idiniklara itong patay ni Dr. Florence Audrey Mamon.

Kaugnay nito patuloy parin ngayong inaalam ng mga pulis ang dahilan ng pagkamatay ng biktima ngunit sa kanilang inisyal na embistigasyon ito umano ay nakuryente at nahulog sa Club haven Hotel resort sa Brgy. Balabag Boracay kung saan siya nagtratrabo bilang isang construction worker.

Samantala, nasa pangangalaga pa ngayon ng isang punerarya sa bayan ng Malay ang katawan ng biktima habang patuloy pang inaantay ang resulta ng ikinamatay nito.

Operasyon ng Kalibo Airport balik na sa normal matapos ang ipinatupad na no fly zone

Posted August 6, 2015
Ni Jay-ar M.  Arante, YES FM Boracay 

Image result for kalibo airportNapaaga ang pagtatapos ng ipinatupad na no fly zone sa Kalibo International Airport (KIA) matapos makompleto ang ginawang asphalting sa nasirang runway 23.

Ayon kay Engr. Martin Terre, manager ng Civil Aviation Authority of the Philippines (CAAP)-Aklan, dapat ngayong araw pa ng Huwebes magtatagal ang no fly zone matapos na ipatupad nitong Lunes.

Sinabi ni Terre na mabilis nilang natugunan ang pagsasaayos ng nasabing runway kung saan nagsisimula umano ang no fly zone ng alas-6 hanggang alas-8 ng umaga.

Kaugnay nito iginiit naman ni Terre na wala namang naging epekto ang nasabing no fly zone sa kanilang operasyon kung saan kahapon ay balik na rin ito sa normal habang nagpadala na rin umano sila ng notice to airmen (NOTAM) sa CAAP na nagpapaabot na tapos na ang itinakdang cancelation of flights.

Napag- alaman na na nasira ang runway 23 dahil sa sunod-sunod na buhos ng ulan noong nakaraang linggo kung saan ito ay kakagawa pa lamang na siyang bahagi ng pag-upgrade ng Kalibo International Airport.

(UPDATE) Russian National na nagpakamatay sa Nabaoy Malay, natukoy na ang pagkakakilanlan

Posted August 6, 2015
Ni Jay-ar M. Arante, YES FM Boracay

Image result for suicide hanging boyNasa pangangalaga parin ngayon ng isang punerarya ang isang Russian National na natagpuang patay kahapon sa Brgy. Nabaoy sa bayan ng Malay.

Ayon kay PO1 Anthony Balderama ng Malay PNP, dakong alas-9 kahapon ng umaga ng matagpuan ni Fatima Pablo na kumukuha ng halamang pako sa lugar ang bangkay ng biktima na nakilalang si Demetry Sychevskiy, 39-anyos na nakabitin sa isang puno gamit ang hindi matukoy na tali mula sa halaman.

Base umano sa paunang embistigasyon ng Scene of the Crime Operative (SOCO) tinatayang nasa tatlo o dalawang araw na umanong nakabitin ang biktima dahil sa inuunod na rin ang katawan nito ng matagpuan.

Napag-alaman na ang biktima ay dating nag-nenegosyo sa Boracay ngunit nalugi umano ito at kung saan-saan nalang nagpalaboy-laboy.

Sa kabilang banda nakita naman sa bulsa ng biktima ang isang suicide note na nakasulat sa salitang Russian ngunit inilipat ito sa salitang English ng kanyang kaibigan na kumilala sa biktima kung saan nangangahulugan umano ito na “my death is my decision there is no to be blame, my body don’t bring it in Russia”.

Samantala, ang biktima ay sinasabing nakipag-hiwalay sa dating asawa nito sa Russia kung kayat hindi na ito nakabalik pa sa nasabing bansa.

Sa ngayon pinag-dedesisyonan na rin ng kaibigan ng biktima na kontakin ang pamilya nito para ipaalaman ang nangyari sa kanya at kung ang labi ba nito ay iuuwi sa kanilang bansa.

Tourist arrival sa Boracay ngayong Hulyo tumaas ng 14 percent kumpara noong 2014

Posted August 6, 2015
Ni Jay-ar M. Arante, YES FM Boracay

Tumaas ng labing-apat na porsyente ang naitalang tourist arrival sa Boracay ngayong buwan ng Hulyo kumpara noong nakaraang taon sa kaparehong buwan.

Base sa naitalang record ni Supervising Tourism Operations Officer Conception Labindao ng Department of Tourism Aklan.

Umabot umano sa 73, 704 ang kanilang naitalang Foreign tourist na nagbakasyon sa Boracay ngayong buwan ng Hulyo habang ang Local tourist ay umabot naman sa 43, 613 at ang Overseas Filipino Worker (OFW) ay 3, 949 kung saan may kabuuan itong bilang na 121, 266.

Napag-alaman na nangunguna parin ang Korean tourist sa may pinakamaraming turistang nagbabakasyon sa Boracay na sinusundan naman ng mga bansa sa Asya.

Kaugnay nito kapansin-pansin naman ang tuloy-tuloy na dagsa ng mga turistang Chinese, Taiwanese at Korean National sa Boracay nitong unang linggo sa buwan ng Agosto sa kabila ng Habagat season sa isla.

Samantala, umaasa naman ang Provincial Government at Tourism Office ng Aklan na maaabot nila ang target na 1.5 milyon tourist arrival sa Boracay para sa taong 2015.

Wednesday, August 05, 2015

Brgy. Caticlan blangko sa kita ng Terminal fee sa Tabon Port

Posted August 5, 2015
Ni Jay-ar M.  Arante, YES FM Boracay

Nananatiling palaisipan kung kaylan mapagbibigyan ng mga kinauukulan ang hiling ng brgy. Caticlan sa kanilang problema tungkol sa share sa kinikitang terminal fee sa Tabon Port.

Ito ay isa lamang sa mga hinaing na ipinaabot ng brgy. Caticlan Officials sa SB Session ng Malay nitong Martes sa pangunguna ni Punong Brgy. Julieta Aron.

Sinabi ni Aron nakapagsumite na umano sila ng resolusyon tatlong taon na ang nakakaraan sa LGU Malay ngunit ngayon umano ay wala parin silang sagot na natatanggap.

Nabatid na sa dating terminal fee na P2.50 sa Tabon Port ay nakakapagkuha sila ng share na P50 centavos at ang dalawang peso ay napupunta sa LGU Malay ngunit natigil umano ito ng mahigit sampung taon ang nakakaraan.

Ngunit ipinagkibit balikat naman ito ng Sangguniang Bayan ng Malay kung saan tila wala silang masyadong ideya sa nasabing resolusyon pero nakahanda naman umano silang aksyonan ang nasabing usapin para sa agarang pagresolba ng naturang problema.

Samantala, nakakakuha naman ng P1.00 na share ang brgy. Caticlan mula sa kinikitang terminal fee ng Caticlan Jetty Port na 100 pesos.

Banyaga lalaki, natagpuang patay sa isang lumang resort sa Nabaoy Malay

Posted August 5, 2015
Ni Jay-ar M. Arante, YES FM Boracay      

Image result for nagbigti
Isang lalaking banyaga na tinatayang nasa-edad 50-anyos ang natagpuang patay nitong alas-9 ng umaga sa hindi na nag-o-operate na resort sa brgy. Nabaoy sa bayan ng Malay.

Base sa report ng Malay PNP nagbigti ang nasabing banyaga ngunit kasalukuyan parin nila itong iniimbistigahan kung saan nasa scene of the crime parin ang mga pulis.


Bagamat malayo ang lugar sa mismong proper ng nasabing bayan medyo pahirapan ang ginawang pagrespondi ng mga otoridad lalo na at medyo mahirap ang linya ng komuniskasyon sa lugar.

Samantala, inaalam pa ngayon ng mga otoridad ang pagkamatay ng biktima kung ito ba ay nagsadyang magpatiwakal o may-nangyaring foul play sa sa nasabing krimen.

Salaam Police sa Boracay ipapatawag sa SB Session ng Malay

Posted August 5, 2015
Ni Jay-ar M. Arante, YES FM Boracay

Image result for Salaam Police
www.youtube.com
Ngayong darating na linggo ay nakatakdang ipatawag sa Sangguniang Bayan Session ang Salaam Police na nag-ooperate sa isla ng Boracay.

Ito ay matapos na usisain ni SB Member Floribar Bautista sa mga nakaraang Session ng Malay ang tungkol sa operasyon ng Salaam Police kung saan wala umano itong deriktiba sa kanila.

Ayon naman kay SB Member Jupiter Gallenero base umano sa kanyang pagtatanong kay PO3 Christopher Mendoza ng Boracay PNP tungkol sa pagtalaga ng Salaam Police sa isla ay may direktiba umano ito mula sa kanilang higher headquarters.

Dagdag pa ni Gallenero ang Salaam Police umano ay base na rin sa mandato ni Pangulong Noynoy Aquino kung saan inuutusan nito ang mga Regional Police na magtalaga ng Salaam Police sa mga lugar na mayroong Muslim community kung saan isa na nga rito ang isla ng Boracay.

Samantala, bilang pormal na pagkilala nais paring imbitahan ng konseho ang Salaam Police sa Session ng Malay kasama na ang Presidente ng Muslim community sa Boracay at si PO3 Christopher Mendoza ng BTAC-PCR o Police Community Relations para alamin pa ang kabuuang operasyon nito sa isla.

Nabatid na halos limang taon na ring nawala ang Salaam Police nang umupo bilang hepe ng Boracay PNP si P/Supt. Rolando Vilar kung kaya’t na reactivate ang nasabing grupo ng ginanap ang APEC Ministerial Meeting sa Boracay nitong buwan ng Mayo.

Philippine Red-Cross Boracay-Malay Chapter magsasagawa ng blood letting activity bukas

Posted August 5, 2015
Ni Jay-ar M. Arante, YES FM Boracay
               
Image result for PRC  blood letting activityDahil sa layuning makatulong sa komunidad, isang blood letting activity ang isasagawa ng Philippine Red Cross Boracay-Malay Chapter bukas araw ng Miyerkules.

Ito ang magiging kauna-unahang blood donation ng PRC para sa buwan ng Agosto na magsisimula bukas ng alas-9 ng umaga hanggang alas-2 ng hapon sa kanilang opisina sa Ambulong Manoc-manoc.

Layun ng Red-Cross na makalikom ng dugo para sa mga pasyenteng nangangailangan nito kung kayat hinihikayat nila ang lahat ng mga nais mag-donate ng dugo na makisali sa kanilang aktibidad.

Kaugnay nito muling paalala ng Red-Cross sa mga gustong mag-donate ng dugo na kailangan may sapat silang tulog, hindi naka-inom ng alak at gamot sa nakalipas na 24-oras, hindi nakakain ng mamantikang pagkain at walang menstruation period.

Maliban dito mahigpit na ipinagbabawal ng Red-Cross ang pag-donate ng dugo ng may history ng epilepsy, psychotic disorders, abnormal bleeding tendencies, severe asthma at cardio vascular disorder.

Tuesday, August 04, 2015

Pag-invest ng Ciwong.com sa Boracay inaasahang maisasakatuparan ayon kay Wang

Posted August 4, 2015
Ni Jay-ar M. Arante, YES FM Boracay

Photo credit to Felix Delos Santos
Inaasahan umano ni J Xaing Wang CEO ng Ciwong.com na maisasakatuparan ang kanilang kahilingan na makapag-invest ang Asian Pacific TESOL Society (APTESOL) sa Boracay.

Ito’y matapos siyang makipagdayalogo sa Local Government Unit ng Malay sa ginanap na conference kahapon para sa Teachers Training Workshop sa Shangri-La Boracay na dinaluhan naman ng mga guro mula sa bansang China.

Nabatid na nagtungo ang grupo ni Wang sa Boracay para mapalawak ang kaalaman ng mga Chinese Teachers sa English at scholar maging ang mga Universidad at bansang kasama sa Pacific Rim kung saan layun nilang e-expand ang kanilang proyekto sa isla upang makapaglikha ng maraming job opportunities lalo na ang mga mahilig sa online teaching.

Ayon pa kay Wang sakaling maitayo ito sa bansa partikular sa isla ay malaking tulong ito sa mga mamamayan kung saan triple ang magiging sahod ng mga guro para rito.

Kaugnay nito nakasalalay naman sa magiging desisyon ng LGU Malay ang nasabing usapin at kung maaaprobahan ba ang kanilang kahilingan na makapag-invest sa Boracay.

Samantala, ito ang kauna-unahang nagtungo ang APTESOL ng ciwong.com sa Pilipinas lalo na sa isla ng Boracay para sa nasabing proyekto.

APTESOL, nagsagawa ng Teachers Training Workshop sa Boracay

Posted August 4, 2015
Ni Jay-ar M. Arante, YES FM Boracay

Nagsagawa ang Asian Pacific TESOL Society (APTESOL) mula sa bansang China ng Teachers Training Workshop sa Shangri-La Boracay ngayong araw.

Ito ay pinangunahan ni J Xiang Wang, CEO ng Ciwong.com, kasama ang professor ng malalaking Unibersidad sa nasabing bansa na nagsilbing mga speaker na kinabibilangan naman nina Mr. Ying Liu, Professor Yutu Gong, Zi When Lu at ni Ms. Jue Wang.

Nabatid na layunin ng APESOL na mapalawak ang kaalaman sa English ng mga guro sa China at mga online teachers sa Pilipinas kung saan kasama na rito ang pang-iingganyo ng ibat-ibang investors mula sa mga bansa na kasama sa Pacific Rim katulad ng Vietnam, Cambodia, New Zealand at Australia para mag-invest sa nasabing proyekto.

Ayon kay Wang, malaki ang maitutulong ng APESTOL sa edukasyon at Job opportunities sa Boracay lalo na sa buong bansa.

Kaugnay nito ang nasabing conference ay dinaluhan ng mga guro at mga scholars mula sa China, Local Officials ng LGU Malay sa pangunguna naman ni SB member Jupiter Gallenero, Boracay Redevelopment Task Force (BRTF) Officials, Boracay Administrator Glen Sacapaño, Municipal Chief Tourism Operations Officer Felix Delos Santos at DepEd Malay District Supervisor Jessie Flores.

Samantala, ito ang kauna-unahang pagbisita ng APESTOL sa bansa lalo na sa Boracay para sa isang conference na nagsimula ngayong araw at magtatapos naman bukas araw ng Martes.

Monday, August 03, 2015

Paghati sa dalawang distrito ng Aklan, muling isusulong sa Senado

Posted August 3, 2015
Ni Jay-ar M. Arante, YES FM Boracay

Image result for PROVINCE OF AKLANMuli ngayong isinusulong sa Senado ng Sangguniang Panlalawigan ng Aklan ang paghati na maging dalawang distrito ang probinsya ng Aklan.

Ito’y matapos ang pagpasa ng isang resolusyon sa Sangguniang Panlalawigan (SP) Aklan ni SP Member Emmanuel Soviet Russia Dela Cruz, na naglalayong ipaabot ang sentimyento ng mga Aklanon na gawing “two legislative district” ang probinsya.

Nabatid na ang proposed bill ay layong gawing 1st District at 2nd District ang Aklan kung saan ang first district ay kinabibilangan ng mga bayan ng Altavas, Balete, Batan, Banga, Kalibo, New Washington, Libacao at Madalag kung saan may kabuuang bilang ito ng populasyon na  282,395.

Habang ang second district ay kinabibilangan naman ng mga bayan ng Buruanga, Ibajay, Lezo, Makato, Malay, Malinao, Nabas, Numancia at Tangalan na may total population na 253,330.

Samantala, sinabi pa ni Dela Cruz, matagal na ring kwalipikado ang probinsya ng Aklan para gawin itong dalawang distrito kung saan base umano sa pinakahuling census ng National Statistics Office (NSO) umabot na sa halos kalahating milyon ang total population ng Aklan.