Reforestation sa Madalag Aklan naapektuhan umano ng multibillion-peso hydropower project

Posted July 5, 2016

Ni Jay-ar M. Arante, YES FM Boracay  

Nagdala umano ng pinsala ang multibillion-peso hydropower project sa reforestation area sa Barangay Maria Cristina sa bayan ng Madalag ayon sa Provincial Environment and Natural Resources Office (PENRO).

Ito ay pagmamay-ari ng isang Chinese na Oriental Energy and Power Generation Corp. kung saan nagtayo ito ng 18-megawatt Timbaban Run-off Hydropower Project.

Nabatid na nagkakahalaga ang proyektong ito ng P4.5 billion kung saan sakop nito ang mga barangay ng Galicia at Maria Cristina na ngayon ay halos 70 porsyento na itong natatapos kung saan ang awtorisado ng konstraksyong ito ay ang Department of Energy.

Ayon kay PENRO chief Ivene Reyes, nagpadala na umano sila ng sulat sa LGU Madalag at sa barangay officials para ipaabot sa kanila ang nasabing illegal na aktibidad na ito sa area at gayon din ang paghingi ng kanilang suporta para matigil ang nasabing aktibidad.

Napag-alaman din na ang proyektong ito ay naka-apekto sa 1,500 katutubong tao sa bayan Madalag.

Nabatid na ang Oriental Energy and Power Generation Corp. ay napabalita ring mag-demolish ng limang kabayahan na pagmamay-ari ng mga indigenous people sa Barangay Maria Cristina.