YES THE BEST 911 BORACAY

Wednesday, November 09, 2016

Sari-sari store sa Boracay, nilooban ng magnanakaw

Posted November 9, 2016
Ni Inna Carol L. Zambrona, YES FM Boracay

Image result for NILOOBANNagpasaklolo sa mga pulis ang isang 60-anyos na lalaki matapos looban ng magnanakaw ang kanyang sari-sari store sa Sitio Cagban,Brgy. Manoc-manoc, Boracay kaninang madaling araw.

Base sa report ng biktima na si Christopher Sta. Maria sa Boracay PNP, nagising na lang umano siya ng may marinig itong ingay sa loob ng kanyang tindahan.

Agad naman niya umanong pinuntahan at sinuri ang naturang tindahan kung saan naaktuhan niya dito ang isang menor-de-edad at 21-anyos na lalaki na kinukuha ang kanyang paninda at ipinapasok ng mga ito sa kanilang plastic bag na dala.

Dahil sa pangyayari, agad na ini-report ng biktima ang mga suspek sa himpilan ng mga pulis kung saan ang 21-anyos na lalaki ay naka-piit na sa kanilang kulungan habang ang menor-de-edad naman ay ini-refer sa Women and Children Protection Desk (WCPD).

No comments:

Post a Comment