YES THE BEST 911 BORACAY

Saturday, April 09, 2016

Sun Fish natagpuang patay sa baybayin ng Puka Beach sa Boracay

Posted April 9, 2016
Ni Jay-ar M. Arante, YES FM Boracay

Photo Credit to Rb Bachiller
Isang endangered na isda ang natagpuan sa baybayin ng Puka Beach sa Brgy. Yapak Boracay kahapon ng alas-8 ng umaga.

Ito ay nakita ng mga tao sa lugar, kung saan agad naman nila itong itinawag sa Philippine Coasgtuard Boracay at ng CENRO Boracay.

Ayon sa PCG-Boracay Sub-Office ito ay may habang 186 centimeter at may lapad na 86 centimeter kung saan nagtamo naman ito ng malaking sugat sa ulo.

Pinaniniwalaan namang kinagat ng mas malalaking isda ang ulo ng Sun fish dahilan ng kanyang agarang pagkamatay at mapadpad sa nasabing lugar.

Samantala, agad naman itong dinala sa CENRO Boracay para sa agarang pagsusuri kung saan kasabay ng pagkakita nito kahapon ay ang pagkapadpad naman ng isang Pawikan sa baybayin ng Angol Point sa station 3 Boracay.

Ang naturang isda ay bihira lamang na nakikita sa karagatan at ito ay pinaniniwalaang isang endangered fishes.

Bayan ng Malay nakatanggap ng Fire Truck mula sa BFP national

Posted April 9, 2016
Ni Jay-ar M. Arante, YES FM Boracay

Pormal na tinanggap ni Mayor John Yap ng Malay ang bagong Fire Truck mula sa Bureau of Fire Protection (BFP) nitong Martes sa Quezon City Memorial Circle.

Mismong si Pangulong Aquino ang nanguna sa turn-over ng nasabing sasakyan na may bilang na 135 kung saan isa ang bayan ng Malay at Buruangga sa Aklan sa mga nabigyan nito.

Malaki naman ang naging pasalamat ng alkalde dahil sa mayroon na ngayong sariling fire-truck ang Malay.

Nabatid na wala pang sariling fire truck ang mainland Malay ngunit ilang fire truck naman ang mayroon sila sa isla ng Boracay.

Ang nasabing fire truck ay pinondohan ng Department of Interior and Local Government (DILG) National kasama na ang mga bagong patrol car.

Samantala, sa araw naman ng Lunes ay nakatakdang isailalim sa blessings ang naturang sasakyan sa pangunguna mismo ni Mayor John Yap.

Friday, April 08, 2016

Pagpapatayo ng Solar Street Lights sa mainroad ng Boracay, malapit ng matapos

Posted April 8, 2016
Ni Inna Carol L. Zambrona, YES FM Boracay

Image result for solar street lights sa boracayMalapit na umanong matapos ang itinatayong 118 Solar Street lights mula sa station 1 hanggang station 3 sa mainroad ng isla ng Boracay.

Ito ay proyekto ng Local Government Unit (LGU) Malay kung saan kasalukuyan na ngayong umiilaw ang mga nauna ng naitayo.  

Ayon kay Municipal Engineer OIC Engr. Arnold Solano, nasa sampu nalang ang kailangan nilang maipatayo kung saan inuna nila ang sa mga madidilim na bahagi ng lugar ng isla.

Sa ngayon hinihintay nalang umano nilang matapos ang naturang proyekto kung saan kanila muna itong isinusuri bago maisapinal ang paggamit nito.

Nabatid na ang Solar Street Lights ay iilaw kahit brown out dahil sa taglay nitong lakas na nagmumula sa init ng araw.

International Travellers isinusulong na palitan ang disensyo ng Aklan Freedom Shrine Crte

Posted April 8, 2016
Ni Jay-ar M. Arante, YES FM Boracay

Credit to Kalibo International Airport
Isinusulong ng mga International Traveller na palitan ang Aklan Freedom Shrine na makikita sa bayan ng Kalibo.

Ang suhistisyong ito ay idinaan sa facebook account ng KIA kung saan nakalagay rito ang #ReplaceAklanFreedomShine kung saan may disinyo itong inspired sa Paraw.

Nakasaad rin dito na napapanahon na umano para sa mga leader at politiko na palitan ang rundown, archaic state of the province, Historical shrine.

Ito din umanong konkretong monomento na tinatawag ngayong freedom shrine ay hindi nagre-reflect sa totoong meaning ng historical monument at naka-construct umano sa lumang disensyo.

Itinayo ang Aklan Freedom Shrine upang ipaalala sa mga lokal na mga tao ang mga sakripisyo at magbigay pugay sa pamana ni Heneral Francisco del Castillo at ng 19 na bayani ng Aklan.  Ang Aklan Freedom Shrine ay may labinsiyam na hakbang na paikot-ikot sa monumento kung saan ang labi ng XIX martir ay inilibing.

Buhay na Pawikan muling napadpad sa baybayin ng Boracay

Posted April 8, 2016
Ni Jay-ar M. Arante, YES FM Boracay

Isa na namang mahinang Pawikan ang natagpuan sa dalampasigan ng Boracay sa station 3 Angol Point kaninang umaga.

Nakita ang naturang pawikan ng mga tao sa lugar na agad namang dinala ng mga taga Philippine Coastguard sa command post area.

May haba naman itong 63 centimeter at may laking 46 centimeter kung saan nanghihina ito at hindi na kayang lumangoy sa tubig.

Samantala, pinakawalan muna sa tubig ang naturang pawikan habang binabantayan ng mga taga Coastguard kung saan nakatakda itong suriin ng mga taga CENRO Boracay.

 Nabatid na ito ang ikatlong pawikan na napadpad sa dalampasigan ng Boracay ngayong taon kung saan ang naunang nakita sa Bulabog ay namatay gayon din ang pangalawa na nagtamo ng sugat sa ibat-ibang parti ng katawan ng mga ito.

Dahil sa bakud, kapatid na lalaki ipinakulong ng half-brother

Posted April 8, 2016
Ni Inna Carol L. Zambrona, YES FM Boracay

Image result for kulongIpinakulong ng kanyang half-brother ang kapatid nito matapos silang mag-away dahil sa bakud sa kanilang tahanan sa Brgy. Manoc-manoc, Boracay kaninang madaling araw.

Nakilala ang biktima na si Alfredo Tablanti 29-anyos habang ang suspek naman na half-brother nito ay si Victor Tenoso 30-anyos kapwa construction worker at parehong nakatira sa nasabing Brgy.

Sa report ng Boracay Tourist Assistance Center o (BTAC), nagkaroon umano ng hindi pag-kakaunawaan ang dalawa dahil lamang sa isang bakud.

Dahil dito, hinampas umano ng bote ng alak ng suspek ang biktima sa kanyang ulo, na agad naman nitong naharang ngunit nagkaroon siya ng sugat sa kanyang kaliwang kamay.

Nabatid, na agad namang ni-respondihan ng mga pulis ang lugar kung saan nahuli naman ang suspek at ngayon ay pansamantalang naka-kustudiya sa Boracay PNP.

Turista, ninakawan habang kumukuha ng litratro sa beach area ng Boracay

Posted April 8, 2016
Ni Inna Carol L. Zambrona, YES FM Boracay

Image result for theftTinangay umano ng hindi nakilalang magnanakaw ang cellphone ng isang bakasyunista sa isla ng Boracay habang kumukuha ng litrato sa beach area station 2 kahapon.

Sumbong ng biktimang si Raquel Linquino 33-anyos ng Norzagaray Bulacan at temporaryong nakatira sa isang apartel sa Boracay PNP, kasama niya umano ang kanyang pamilya sa dalampasigan ng magpa-picture sa kanya ang kanyang pinsan kung saan nilagay naman nito ang kanyang cellphone sa kanyang bulsa.

Nabatid na habang nag-pipicture ito ay napansin nalang nito na nawawala na ang kanyang cellphone.

Sinabi naman ng biktima na tanging mga bata lamang na gumagawa ng sand castle ang mga tao sa lugar ng mawala ang kanyang cellphone.

Samantala, patuloy namang inaalam ng mga pulis ang nangyaring nakawan.

Grand Boracay Flores de Mayo bukas na sa mga gustong sumali

Posted April 8, 2016
Ni Jay-ar M. Arante, YES FM Boracay

Bukas na ang Boracay Foundation (BFI) sa mga mga gustong sumali sa grandest at colorful event ngayong summer, ang 2016 Grand Boracay Flores de Mayo sa May 21, 2016.

Tampok rito ang tradisyon na Santacruzan kung saan ito rin ang highlights na kinabibilangan ng mga naggagandahang dilag sa isla kasama ang kanilang mga escorts suot ang kanilang Filipino traditional costumes kung saan ito rin ang batayan sa pagpili ng Holy Cross by the Reyna Elena.

Ang Santacruzan ay sasamahan naman ng tugtog ng musika at entertainment na magpaparada sa white long beach ng isla.

Nabatid na bago magsimula ang programa ay pangungunahan muna ito ng misa sa alas-3 ng hapon sa Boracay Holy Rosary Church, susundan ng Blessings of participants, parada, ETA at ang huli ang program/awarding.

Ang Boracay Flores de Mayo ay taunang ginanap sa isla ng Boracay sa pangunguna ng Boracay Foundation (BFI).

Thursday, April 07, 2016

MTour Malay, nakalatag na ang preparasyon para sa La Boracay 2016

Posted April 7, 2016
Ni Inna Carol L. Zambrona, YES FM Boracay

Image result for la boracayNakalatag na ang preparasyon ng Municipal Tourism Office (MTour) Malay sa gaganaping La Boracay na magsisimula sa April 26-May 7, 2016.

Ayon kay Chief Tourism Operation Officer Felix Delos Santos, handang-handa na ang kanilang departamento  sa lahat ng mga dapat gawin sa nasabing event, kasabay narin sa nalalapit na selebrasyon ng “ Fiesta De Obreros” sa May 1 ng susunod na buwan.

Aniya naka-fucos sila sa apat na ibat-ibang area ng information education campaign kung saan isa dito ay magbibigay sila ng tips sa mga agencies kung paano maprotektahan ang isla, mga flyers na naglalaman ng kaalaman kung ano ang mga hindi dapat gawin.

Kaugnay nito, makikipag-pulong umano sila kasama ang Boracay Action Group o (BAG) kung saan kasama din nila dito ang mga force multipliers, kaugnay sa plano kung ano ang mga dapat gawin para sa seguridad ng mga taong magbabakasyon sa isla.

Samantala, naka full force narin umano pagdating sa emergency preparedness ang Red Cross Boracay-Chapter, BFRAV o Boracay Fire Rescue Ambulance Volunteers at Municipal Disaster Risk Reduction Management Office (MDRRMO) Malay sakaling magkaroon ng problema sa kalusugan ang mga bisita.

Payo ni Delos Santos sa mga magbabakasyon sa isla ng Boracay na magbigay respeto, maging responsable at sumunod sa mga rules and regulation dito upang hindi masita ng mga otoridad.

ASEAN Meeting ng Maritime Working Group sa Boracay nag-simula na

Posted April 7, 2016
Ni Jay-ar M. Arante, YES FM Boracay

Photo Credit to Tisha Azarcon
Simula kahapon Abril 6 ay nagsimula na ang ASEAN Meeting ng Maritime Working Group sa Hennan Regency Beach Resort and Spa sa isla ng Boracay.

Ito ay tatlong araw na meeting na magtatapos naman bukas Abril 8 kung saan dinaluhan ito ng 170 delegates mula sa ASEAN-member countries ng Brunei Darussalam, Vietnam, Thailand, Cambodia, Indonesia, Laos, Malaysia, Myanmar, Singapore, Pilipinas at nang dialogue partners mula sa Japan at China para pag-usapan ang maritime concerns at improvement ng transportation activities.

Pinangunahan naman mismo ni Maritime Industry Authority (Marina) regional Director Mary Ann Armi Arcilla at Transport and Communication Assistant Secretary Admiral Lino Dabi ang pag-bubukas ng ASEAN Meeting kahapon.

Kabilang pa sa mga dumalo si Marina administrator Dr. Maximo Mejia, Jr. acting ASEAN-MTWG chairperson; Director of International Division, Maritime and Port Authority ng Singapore Dr. Angela Png, vice-chairperson at ASEAN Secretariat Megasari Widyaty ng Indonesia.

Samantala, mahigpit naman ang ipinapatupad na seguiridad ngayon sa isla sa pangunguna ng   Boracay Tourist Assistance Center (BTAC) at ng Philippine Coast Guard.

Anti-illegal drug operations and investigation seminar ginanap sa Aklan

Posted April 7, 2016
Ni Jay-ar M. Arante, YES FM Boracay

Ginanap nitong nakaraang araw ang Anti-illegal drug operations and investigation seminar sa Camp Pastor Martelino, New Buswang Kalibo, Aklan .

Ito ay limang araw na seminar kaugnay sa tuloy-tuloy na kampanya laban sa illegal na droga sa probinsya ng Aklan gayon din ang pag-enhance ng kapasidad ng mga law enforcement officers sa pangunguna ng Dangerous Drugs Board (DDB) kasama ang Philippine Drug Enforcement Agency (PDEA).

Pinangunahan naman mismo ni DDB Chairman Sec. Felipe L. Rojas Jr., kasama si Asec. Abe L. Lemos, Deputy Director General for Operations PDEA ang naturang aktibidad.

Samantala, dinaluhan naman ito ng mga police officers mula sa ibat-ibang municipal stations sa Aklan partikular ang Intel operatives at investigators.
Layunin naman ng nasabing training, na magkaroon ang mga partispinate ng sapat na kaalaman at abilidad mula sa aktibidad ng droga.

Ang naturang seminar ay kaugnay sa patuloy na paglaban kontra sa kriminalidad sa probinsya at ang pagpapaigting sa implementasyon ng Lambat Sibat lalo na sa nalalapit na national at local elections para makamit ang ligtas at patas na eleksyon ngayong taon.

Anak, ini-reklamo ang sariling ama matapos tangkaing saksakin

Posted April 7, 2016
Ni Inna Carol L. Zambrona, YES FM Boracay

Image result for blotter reportNag-dulot ng kaba at takot sa anak na babae ang tangkang pag-hampas ng bote at pag-saksak sa kanya ng sariling ama sa kanilang compound sa Sitio Diniwid Brgy. Balabag, Boracay.

Sa blotter report ng Boracay PNP, nakilala ang biktimang si Jennel Mallo 20-anyos at ang ini-rereklamo nitong ama na si Nelson Mallo.

Sumbong ng biktima sa mga pulis, nagkaroon umano sila ng hindi pag-kakaintindihan ng kanyang ama kung saan tinanong niya umano ito tungkol sa kita ng kanilang tricycle.

Dahil dito bigla umanong nagalit sa kanya ang kanyang ama at doon ay tinangka siyang hampasin ng bote ng alak kasabay ng pagtangkang pagsaksak sa kanya ng kutsilyo ngunit mabilis naman itong naawat ng mga tao sa lugar.

Samantala, ang kaso ay ini-refer naman ng Boracay PNP sa Brgy. Justice System ng Balabag para sa kanilang agarang pag-aayos.

Wednesday, April 06, 2016

61 atletang Aklanon, handa na sa Palarong Pambansa

Posted April 6, 2016
Ni Inna Carol L. Zambrona, YES FM Boracay

Image result for palarong pambansa 2016Handa na umano ang mahigit 61 atletang maglalaro sa darating na Palarong Pambansa na gaganapin sa Legazpi City, Albay mula April 10-16, 2016.

Ayon kay DepEd-Aklan Education Program Supervisor Mary Ann Lopez, ito umano ang kauna-unahan na ang ilan sa mga magagaling na atleta ng probinsya ng Aklan ay maglalaro sa Palarong pambansa sa Legaspi City.

Isa umano dito ay si Kyla Suguilon ng Kalibo na maglalaro sa swimming category habang si Angelica de Josef at Christiane Paul Tiongson ng Lezo, Aklan ay nasa runner category.

Nabatid na ang Aklan ang nakakuha ng pangalawang spot sa nakaraang 2016 Western Visayas Regional Athletic Association (WVRAA) noong Pebrero sa probinsya ng Iloilo.

Ang Albay at DepED regional office V ang siyang mangangatawan ngayong taon sa nasabing Palarong Pambansa katuwang ang mga Schools Division Offices ng Albay Legaspi City kung saan umaasa naman sila na mahigit 18, 000 atleta ang lalaro dito kasama mula sa 18 regions sa bansa.

SB Session ng Malay napuno ng tensyon dahil sa campaign sticker material

Posted April 6, 2016
Ni Jay-ar M. Arante, YES FM Boracay

Napuno ng tensyon ang ginanap na 14th Regular SB Session ng Malay nitong Martes dahil sa campaign sticker material ng Team Magkasangga.

Sa naturang session nagkaroon ng privilege speech si SB member Floribar Bautista kaugnay sa natanggap umano nitong report sa Boracay na kung madidikitan ng sticker ng nasabing grupo ang motorbike na walang kaukulang permit ay hindi na umano ito mahuhuli sa violation.

Dahil dito agad namang pinabulaanan ni SB member Jupiter Gallenero ang naturang alegasyon dahil sa hindi umano ito totoo at marahil may sticker lamang umano ang mga ito dahil sila ay supporters ng nasabing grupo.

Samantala, hiniling pa ni Bautista na magtalaga ng committee para imbistigahan ang naturang alegasyon upang mapanagot umano ang nasa likod nito.

Nabatid na nag-ugat ang sagutan ng dalawang panig dahil sa mga sinasabing single motorbike sa Boracay na walang permit to transport at patuloy na nakakapasok sa isla.

Pagtaas ng kaso ng dengue sa Aklan ikinaalarma ng PHO

Posted April 6, 2016
Ni Jay-ar M. Arante, YES FM Boracay

Image result for dengueIkinaalarma ngayon ng Aklan Provincial Office (PHO) ang pagtaas ng kaso ng dengue sa probinsya na umabot sa 160%.

Ayon kay Dr. Cornelio Cuachon ng Provincial Health Office, dapat kailangang panatilihing malinis ang kapaligiran ng sa ganon ay maiwasan ang tumataas na kaso ng dengue.

Base sa kanilang report simula nitong Enero 1 hanggang Marso 22, 2016 ay naitala nila ang kabuuang kaso na 286 kung saan mas mataas ito kumpara sa nakalipas na taon at parehong period na mayroon lamang na 110 na kaso.

Kaugnay nito ang Bayan ng Kalibo ang siyang nangunguna sa may pinakamataas na kaso na may 64, sumunod ang Banga na may 27, bayan ng Malay na may 24, New Washington na may 23 at ang bayan ng Nabas at Buruanga na may parehong tig-21 kaso.

Maliban dito halos lahat naman ng bayan sa Aklan ay mayroong mga kaso ng nasabing dengue ngunit hindi ganoon kataas kumpara sa limang bayan na nabanggit.

Samantala, paalala pa ni Cuachon na kahit ganitong tag-init ay laganap parin ang dengue kung kayat dapat umanong tiyaking malinis ang posibleng pamugaran ng lamok.

Summer Job sa mga kabataan sa Malay tinalakay sa Session

Posted April 6, 2016
Ni Jay-ar M. Arante, YES FM Boracay

Image result for summer jobTinalakay ngayong Martes sa Sangguniang Bayan Session ang tungkol sa summer job para sa mga kabataan sa bayan ng Malay.

Ito’y matapos sabihin ni SB Member Rowen Aguirre sa kanyang privilege speech ang tungkol sa reklamo ng ilang mga magulang ng mga kumukuha ng summer job na madami pa umanong hinahanap na requirements kung saan isa rito ang endorsement mula sa kapitan.

Dahil dito nakatakdang ipatawag sa susunod na session ang MPDO o Municipal Planning Office para alamin kung anong mga requirements at mga benefits ang makukuha rito ng mga mag sa-summer job sa LGU Malay.

Nabatid na ang MPDO ang siyang may hawak sa mga summer jobbers kung saan bawat brgy. sa Malay ay kumukuha sila ng mga kabataan na gustong mag-trabaho habang walang pasok sa paaralan.