YES THE BEST 911 BORACAY

Saturday, May 21, 2016

Responsableng paggamit ng kuryente pinaalala sa mga Aklanon

Posted May 21, 2016
Ni Jay-ar M. Arante, YES FM Boracay    

Image result for AKELCOPinaalalahan ngayon ng Aklan Electric Cooperative (Akelco) ang mga Aklanon na maging responsable sa paggamit ng kuryente. 

Ayon sa Aklan Electric Cooperative, Inc. (AKELCO), ang nagbibigay umano ng “supply” ng kuryente sa Aklan katulad sa pagdagdag o pagbawas sa tinatawag na “generation charge” ay naka-depende sa kunsumo ng kuryente ng publiko.

Napag-alaman din na may kunting dagdag sa bill ng kuryente sa buwan ng Abril dahil sa dagdag na “generation charge” na ibabayad ng AKELCO sa mga generation companies na binibilhan ng kuryente.

Nabatid na ang mga nakasaksak na appliances na hindi naman ginagamit ang siyang dahilan ng paglaki ng bill na babayaran sa Akelco.

Lalaki kulong, matapos hampasin ng bote ng alak at saksakin ang kaibigan

Posted May 21, 2016
Ni Inna Carol L. Zambrona, YES FM Boracay

Image result for kulongKulong ang isang lalaki matapos nitong hampasin ng bote ng alak at saksakin ang kaibigan nito sa kanilang compound sa Brgy. Balabag, Boracay kaninang madaling araw.

Nakilala ang biktima na si Salvador Vargas 31-anyos habang ang suspek ay kinilala namang si Yankee Romano alyas “Boyong” 23-anyos at parehong residente ng nasabing lugar.

Sa blotter report ng mga pulis, nasa-ilalim umano ng nakakalasing na inumin ang suspek kung saan hinampas nito ng bote ng alak ang biktima sa kanyang ulo. 

Nabatid ng mabasag ang bote ay dito naman sinaksak ng suspek ang biktima sa kanyang kamay gamit ang bubog ng botelya.

Samantala, sinasabing dahil sa kalasingan ang dahilan kaya nagawa ng suspek ang insidente na ngayon ay pansamantalang iki-nustodiya sa lock-up-cell ng Boracay PNP.

BFP Boracay, may paalala sa paulit-ulit na nangyayaring sunog sa Dumpsite sa Manoc-manoc

Posted May 21, 2016
Ni Inna Carol L. Zambrona, YES FM Boracay 

May paalala ngayon ang Bureau of Fire Protection (BFP) Boracay sa paulit-ulit na sunog na nangyayari sa Dumpsite ng isang hotel sa Station 3 Manoc-manoc, Boracay.

Ayon kay FO3 Franklin Arubang ng BFP-Boracay, posible umanong upos ng sigarilyo ang sanhi ng nangyayaring sunog sa lugar.

Dahil dito pinayuhan nito kung sino man ang dumadaan sa lugar na huwag magtapon ng sigarilyo na may baga pa dahil posibleng magdulot umano ito ng sunog.

Nabatid na dalawang beses na umanong nangyari ang sunog sa lugar ngayong taon kung saan pahirapan din ang pag-apula nito dulot ng tambak-tambak na basura.

Samantala, paalala din nito sa publiko na kung magtatapon ng basura ay dapat i-segregate ng mabuti ang kanilang basura bago itapon sa dumpsite.

Friday, May 20, 2016

Publiko pinasalamat ng APPO sa maayos at tahimik na eleksyon

Posted May 20, 2016
Ni Jay-ar M. Arante, YES FM Boracay

Image result for appo aklanIsa ang probinsya ng Aklan sa nakapagtala ng tahimik at maayos na halalalan sa buong bansa nitong Mayo 9, 2016.

Dahil dito pinasalamatan ni Aklan police director senior superintendent John Mitchell Jamili ang komunidad sa probinsya, dahil sa suporta ng mga ito upang makamit ang kaayusan sa nakaraang 2016 National at Local elections sa probinsya.

Sinabi nito na hindi umano tumigil sa pagbibigay ng suporta ang mga Aklanon sa lahat ng aktibidad, plano at programa ng APPO para makamit ang peace and order situation simula noong election period.

Kaugnay nito inihalimbawa ni Jamili ang patuloy na positibong anti-criminality operation ng mga kapulisan dahil sa mga report na kanilang natatanggap mula sa publiko.

Samantala, ikinataba umano ng puso ni Jamili ang ginagawang pag-alalay sa kanya ng mga taga-Aklan simula ng ito ay maupo sa kanyang pwesto mula sa Ilo-ilo nitong taon.

Bakuna para sa mga mag-aaral inihahanda na ng MHO

Posted May 20, 2016
Ni Jay-ar M. Arante, YES FM Boracay     

Image result for bakunaPasukan na naman kung kayat naghahanda na ang Municipal Health Office ng Malay para sa nakatakdang School base immunization program para sa mga mag-aaral.
               
Ayon kay MHO Nurse II Arbie Aspiras, taon-taon umano nilang itong ginagawa para malabanan ang degdas na kalimitang dumadapo sa mga kabataan.

Tiniyak naman nito na lahat ng mga kabataan o mga estudyante sa Malay ay mabibigyan ng libreng bakuna para makaiwas sa sakit.

Nabatid na noong nakaraang taon ay daan-daang kabataan ang sumalilalim sa nasabing immunization na ginaganap tuwing buwan ng Agosto.

Samantala, ang programang ito ng MHO ay para makatulong din sa paglaban sa iba pang naglalabasang sakit ngayong panahon ng tag-ulan.


SP Aklan magsasagawa ng imbestigasyon kaugnay sa pagpatalsik sa 11 CAAP personnel

Posted May 20, 2016
Ni Jay-ar M. Arante, YES FM Boracay    

Image result for kia kaliboNakatakdang ipatawag ng Sangguniang Panlalawigan ng Aklan ang nagsagawa ng  imbestigasyon kaugnay sa anomalyang nangyari sa Kalibo International Airport.

Sa 16th SP Session kahapon, binuksan ang pag-uusap nito ni SP member Rodson Mayor matapos ang pumutok na balita sa pagpapatalsik sa 11 tauhan ng Civil Aviation Authority of the Philippines (CAAP) sa nasabing paliparan na sangkot sa multi million peso scam sa recycled na terminal fee tickets.   

Nabatid na inatasan ni CAAP director general William Hotchkiss III si retired general Rodante Joya, head ng Security and Intelligence Service ng KIA na magsagawa ng imbestigasyon kaugnay sa nangyaring anomalya.

Napag-alaman na ilan sa mga natanggal sa trabaho ay ang mga job order personnel, terminal fee collectors, terminal fee inspectors at isang flight data encoder. 
  
Samantala, nagsimula umano ang naturang scam nito lamang buwan ng Enero at Pebrero hanggang sa ito ay nabuking.  

Ang terminal fee para sa domestic flight ay P200 habang ang international flight ay P750.

Dalawang lalaki, sugatan matapos pag-tripang bugbugin

Posted May 20, 2016

Ni Inna Carol L. Zambrona, YES FM Boracay

Image result for police reportPasa sa ibat-ibang parti ng katawan ang tinamo ng dalawang lalaki matapos umano silang mapag-tripang bugbugin kaninang alas-3 ng madaling araw sa Brgy. Balabag, Boracay.

Sa report ng Boracay PNP, naglalakad ang biktima na si Harold Proton kasama ang kaibigan kaibigan nito ng bigla silang tambangan ng hindi nakilalang mga lalaki.

Dito ay pinagsusuntok umano ang dalawa kung saan napuruhan naman si Proton dahilan para magkaroon ng mga pasa ang kanyang katawan.

Napag-alaman na napag-tripan lang umano ang dalawa kung saan mabilis namang tumakas ang mga hindi nakilalang suspek matapos ang insidente.

Thursday, May 19, 2016

2016 Grand Flores De Mayo, nagsagawa ng briefing para sa Sabado

Posted May 19, 2016
Ni Inna Carol L. Zambrona, YES FM Boracay

Dalawang araw bago ang Flores de Mayo ay nagsagawa ng briefing sa Boracay Holy Rosary Church kaninang hapon ang organizer nito na Boracay Foundation Incorporated o (BFI) bilang paghahanda sa mga sasali dito.

Sa isinagawang briefing kanina ipinaliwanag ng mga organizer na sina Rufina Villaroman at ng dalawang taga BFI na sina Raffy Cooper at Pia Miraflores kung ano ang mga gagawin ng mga kalahok  kung saan di-niscuss sa kanila kung ano ang kahalagahan at importansya ng Flores de Mayo kung saan taunang ginaganap sa buwan ng Mayo.

Ang taunang aktibidad ay mag-uumpisa sa pamamagitan ng isang misa sa Holy Rosary Church sa Balabag sa ganap na alas 3 ng hapon, at mag-uumpisa ang kanilang parada sa front beach mula sa Willies Rock papuntang Hennan Regency Resort kung saan dito gagawin ang mga programa at awarding.

Nabatid na ang mga lalahok dito ay magmumula sa ibat-ibang business establishments na mga myembro rin ng BFI.

Maliban dito, ang mga magre-represent dito ay ang Air Care bilang Reyna delas Flores (Queen of  Flowers), Alta Vista- Reyna Imperatriz (Queen Empress), Hennan- Reyna Esperanza (Queen of Hope), Jonys- Reyna Fe ( Queens of Faith), YES FM- Reyna delas Angeles (Queen of Angels) kung saan sila lang ang mga maglalaban sa Reyna Elena o festival queen.

Kasali din dito ang BFI na ang kanilang ire-represent ay Reyna Estrellas ( Queen of the Stars) at ang nanalong Reyna Elena (Queen Helena) ng LGU Malay.

Ang Flores De Mayo ay nasa ika-apat na taon ng ginagawa  sa Boracay kung saan ang layunin nito ay maipakita ang kulturang pinoy lalo na sa mga turistang nagbabakasyon sa isla.

Baybayin sa buong Aklan nananatiling ligtas sa red tide

Posted May 19, 2016
Ni Jay-ar M. Arante, YES FM Boracay

Nananatili umanong ligtas sa red tide toxins ang buong baybayin sa probinsya ng Aklan ayon sa Bureau of Fisheries and Aquatic Resources (BFAR).

Ito ay base sa Shellfish Bulletin No. 15 na inilabas ng BFAR-Aklan na may petsang Mayo 10, 2016 series of 2016.

Nakasaad dito na ang mga baybayin ng Batan Bay at ang mga katabi nitong lugar ng Altavas, Batan at New Washington, Mambuquiao at Camanci sa Batan kasama na ang Sapian Bay sa Capiz, at buong baybayin sa bansa ay ligtas na sa red tide, base sa pinakahuling resulta ng laboratory.

Dahil dito ligtas na ang lahat ng klase ng “shellfish” at Acetes sp. o alamang na kinikuha, iniipon at binibinta mula sa lugar na ito ay puweding-puwedi ng kainin base sa BFAR.

Sa kabila nito nananatili parin ang ginagawang pag-monitor ng BFAR sa mga karagatan sa bansa para masiguro ang kaligtasan ng publiko.

Nabatid na nitong mga nakaraang buwan ay naapektuhan ang probinsya sa malawakang red tide kasama na ang mga baybayin sa Capiz.

Lalaking wanted sa dalawang kaso, arestado sa Iloilo City

Posted May 19, 2016
Ni Inna Carol L. Zambrona, YES FM Boracay

Image result for wanted
Kulong ngayon ang lalaking wanted sa dalawang kaso sa isla ng Boracay matapos itong mahuli sa Rizal Ibarra, Iloilo City.

Sa pinagsamang pwersa ng Boracay PNP, Tangalan PNP, Aklan PPO at Iloilo Police Station, nahuli ang suspek na si Rey June Supremo y Flores, 28-anyos at residente ng nasabing lugar.

Nabatid na may kaso itong Frustrated Homicide na may petsang February 18, 2015 at Criminal case No. 11302 kung saan nag-kakahalaga naman ng P24,000 ang inilaang piyansa para rito habang ang isa naman ay Violation of Omnibus Election Code to Comelec Resolution No. 9735 na may petsang May 29,2014 at Criminal case No. 11301 at may piyansa ring P50,000.

Ang naturang kaso ay inisyu ni Hon. Judge Nelson Bartolome, Presiding Judge RTC, Branch 8, Kalibo, Aklan na ngayon ang suspek ay nakatakdang dalhin ngayong araw sa korte sa Kalibo para sa kanyang karampatang disposisyon. 

Wednesday, May 18, 2016

Sunog na nangyari sa Boracay, patuloy na ini-imbestigahan

Posted May 18, 2016
Ni Inna CaroL l. Zambrona, YES FM Boracay

Patuloy pa ang ginagawang imbestigasyon ng Bureau of Fire Protection o (BFP) Boracay sa nangyaring sunog kanina sa bundok malapit sa Mt. Luho Balabag, Boracay.

Ayon kay Bureau of Fire Protection Boracay Investigator F03 Franklin Arubang, alas 10:50 kaninang umaga ng makatanggap sila ng tawag mula sa isang concern citizen sa kanilang himpilan na may nasusunog umano sa nasabing lugar kung saan agad naman nila itong pinuntahan.

Sa pagdating naman umano nila sa lugar ay dito nila nadatnan ang malapad na usok, ngunit bigo nilang maabot ang nasabing area dahil sa mataas na bahagi ng lugar.

Dahil dito, inutusan ng may-ari ng lupa ang kanyang mga trabahador na umigib nalang ng tubig gamit ang baldi para unti-unting masugpo ang apoy.

Nabatid na wala namang bahay o tao ang nadamay sa sunog kung saan tanging mga halaman lang ang apektado nito.

Pagkakaisa para sa Brigada Eskwela panawagan ng DepEd Aklan

Posted May 18, 2016
Ni Jay-ar M. Arante, YES FM Boracay

Image result for brigada eskwela 2016Muling nananawagan ng pagkakaisa si Division of Aklan Dr. Jesse Gomez, CESO V Schools Division Superintendent para sa nalalapit na Brigada Eskwela ngayong Mayo 30 hanggang Hunyo 4, 2016.

Panawagan nito na magtulungan at sama-samang maglinis sa mga paaralan para sa muling pagbubukas ng klase ngayong Hunyo 6.

Ngayong taon umano ay may tema ang naturang Brigada Eskwela na “Tayo Para sa Paaralang Ligtas, Maayos at Handa Mula sa Kindergarten Hanggang Senior High School.”

Nais nito na maging handa at maayos ang mga paaralan sa muling pagbabalik ng mga mag-aaral sa eskwelahan lalo na at magsisimula na ang implementasyon ng K to 12 Program.

Ang naturang aktibidad ay kilala rin bilang “National Schools Maintenance Week,” kung saan ang taunang “Brigada” ay tradisyon sa pampublikong paaralan bago magbukas ang klase kung saan ang mga education stakeholders ay nagsasama-sama para sumali at magbigay ng oras at effort sa pagsisiguro na ang lahat ng public school facilities ay handa na sa pagbubukas ng klase.

Lalaking hindi pinagbigyang makipag-sex, nagbigti-patay

Posted May 18, 2016
Ni Inna Carol L. Zambrona, YES FM Boracay

Image result for natagpuang patay]\Patay sa pamamagitan ng pagbigti ang isang lalaki matapos na hindi umano pinagbigyang makipag-sex ng kanyang live-in partner sa Brgy. Nagustan, Nabas, Aklan kagabi.

Nakilala ang biktimang si Joseph Baladjay 36-anyos at isang bouncer.

Ayon sa live-in partner nito na si alyas Precious, bago umano mangyari ang insidente ay nag-iinuman pa silang dalawa kung saan bigla nalang umano itong nagalit.

Dagdag pa nito, niyaya umano siya ng biktima na makipagtalik ngunit tinanggihan niya umano ito dahil sa nararamdamang pagod sa katawan.

Sinabi pa ni Precious na nakita umano nito na naglagay ng lubid ang kanyang live-in partner sa kanilang kwarto pero hindi naman niya ito pinansin kung saan sa pagbalik nito ay naka-lock na umano ang pintuan at hindi na mabuksan.

Dahil dito, sinundo ni Precious ang kapatid ng biktima para buksan ang kwarto kung saan dito na tumambad sa kanila ang nakabitay na biktima.

Mabilis namang naisugod ang biktima sa Ibajay District Hospital ngunit hindi kalaunan ay dinala din ito sa isang hospital sa bayan ng Kalibo subalit idinikara itong dead on arrival.

Wanted sa pagbebenta ng illegal na droga, kalaboso

Posted May 18, 2016
Ni Inna Carol L. Zambrona, YES FM Boracay

Image result for wantedKalaboso ang isang lalaking wanted sa kasong pagbebenta ng illegal na droga sa Brgy. Balusbos, Malay, Aklan kagabi.

Nahuli ang suspek na si John Ryan Malbas alyas “jaja”, 34-anyos residente ng Brgy. Mabilo, Kalibo, Aklan sa pinagsamang pwersa ng APPO tracker team, Malay PNP, RTSOG6 sa kasong paglabag sa Sec. 5 Article II of Republic Act 9165.

Inaresto ang suspek sa pamamagitan ng warrant of arrest na inisyu ni Hon. Jemena Abellar Arbis, acting presiding judge, 6th judicial region, branch 1, Kalibo, Aklan na may criminal case no. 12630 at may petsang March 30, 2016

Samantala wala namang inilaang piyansa ang korte sa pansamantalang kalayaan ng suspek kung saan nakakulong na ito ngayon sa Kalibo PNP.

Korean national, ini-reklamo ng pananakal

Posted May 18, 2016
Ni Inna Carol L. Zambrona, YES FM Boracay

Image result for blotter reportIsang turistang Korean national ang inireklamo ng pananakal ng isang waiter ng restaurant na nasa loob ng hotel sa Brgy. Balabag, Boracay.

Nakilala ang nag-rereklamong si Margin Villahermosa Jr. 37-anyos habang ang suspek ay kinilala naming si Hyeonu Jeong 33-anyos at temporaryong nakatira sa hotel sa nasabing lugar.

Sa report ng Boracay PNP, napansin umano ng biktima na may dalang nakakalasing na inumin ang kaibigan ng suspek na nakalagay sa mineral water kung saan mahigpit umanong ipinagbabawal ang pagdala ng inumin o pagkain sa kanilang restaurant.

Dahil dito, ipinaliwanag naman umano ng biktima sa kasama ng suspek ang kanilang polisiya kung kayat itinabi naman nito sa sulok ang dalang inumin.

Ngunit ng di-kalaunan ay ikinagalit umano ito ng suspek at saka tinawag ang biktima kung saan dito na niya ito agad na sinakal.

Samantala, napag-alaman na nagkaroon naman ng agreement ang dalawang kampo matapos ang nangyaring insidente sa Boracay PNP.

Arabian national, kulong matapos manggulo sa isang resort sa Boracay

Posted May 18, 2016
Ni Inna Carol L. Zambrona, YES FM Boracay

Arestado ang isang turistang Arabian national matapos itong ireklamo ng panggugulo sa isang resort sa Station 3 Manoc-manoc, Boracay.

Nakilala ang nagre-reklamo na si Michael Stanly Romano 29-anyos, Auditor ng resort habang ang suspek ay si Alsubaie Saleem Mufarrij 31-anyos.

Sa report ng Boracay PNP, nasa ilalim umano ng nakakalasing na inumin ang suspek ng pumunta sa nasabing resort kung saan agad itong nanggulo at nang-harass sa mga guest na nagresulta naman ng takot sa mga ito.

Nabatid na dating guest ang suspek sa resort kung saan sinasabing may balansi pa umano itong hindi nababayaran.

Sa ngayon ang suspek ay pansamantalang naka-kulong sa Boracay PNP matapos ang nangyaring insidente.