YES THE BEST 911 BORACAY

Saturday, November 05, 2016

DOLE Usec. Say pinangunahan ang ENDO Seminar sa Boracay

Posted November 7, 2016
Ni Inna Carol L. Zambrona, YES FM Boracay

Sa layuning maisakatuparan na ang pagbabawas sa nakasanayang “endo” ngayong taon, tinalakay ni Usec. Dominador Say ang “ENDO” o (end of contractualization) at Sub-Contracting Work Arrangement sa mga Stakeholders, employer at mga empleyado ang tungkol sa usaping ito.

Sinabi nito na dapat ang mga empleyado umano ay dapat may “Security of Tenure” o kasiguraduhan pagdating sa kanilang trabaho.

Aniya, ang “ENDO” o (end of contractualization) ay dapat na umanong wakasan sa ating bansa.

Sinabihan nito ang mga employer na wag na umano nilang hintayin pa na ang DOLE ang magsabi sa kanila o sampahan ng kaso ang employer na dapat na umano nilang i-regular ang matagal na nilang empleyado na hindi pa nari-regular.

Napag-alaman na ang mga 6 months provisionary na empleyado ay dapat ng inoobserbahan ng kanilang mga employer kung sila ay pwedeng mai-regular dahil kung hindi naman umano ay dapat na itong tanggalin na hindi na lalagpas sa anim na buwan niyang kontrata.

Kaugnay nito, itong memorandum na nagbibigay direktiba sa regional offices ng DOLE ay upang masimulan na ang paglilinis sa mga kumpanya na nakasanayan na ang “endo” employment.

Samantala, dinaluhan naman ito ng 299 na mga employer at mga empleyado na nagtatrabaho sa hotel, spa, sports activity at iba pang mga establisyemento sa isla ng Boracay.

7-anyos na bata at 31-anyos na ginang, patay matapos mahulugan ng live wire magmula sa poste ng Akelco

Posted November 6, 2016
Ni Inna Carol L. Zambrona, YES FM Boracay

Patay matapos mahulugan ng live wire magmula sa poste ng Akelco ang 7-anyos na bata at 31-anyos na ginang.

Pasado alas 9 kaninang umaga ng mangyari ang insidente sa Sitio Ayala, Brgy. Yapak, Boracay kung saan nakilala ang namatay na sina Analyn Salibio at Christina Martellino.
Base sa impormasyong nakalap ng stasyong ito, nagmula umano sa dalawang Street Cleaner sina Maricris Salvador at Flor Manalo na siyang nakakita sa pangyayari sa lugar, bibili umano sana itong si Martellino ng papaya kay Rosita Salibio, 41-anyos, na ina naman ng isa pang biktima na si Analyn, nang aksidente umanong nahulog sa kinatatayuan nito ang live wire ng Akelco.

Karagdagang kwento nina Salvador at Manalo, tutulungan naman umano sana ni Rosita si Martellino ngunit nakuryente rin ito pati na ang asawang lalaki na hinihila sana siya papalayo, kung saan ang anak niyang si Analyn na nasa labas din ay nahagip ng live wire at sa lakas ng tama ng nasabing live wire ay agad itong nakuryente na dahilan ng kaniyang kamatayan.

Agad namang humingi ng tulong ang mga ito sa lugar kung saan sa pagresponde ng ambulansya ay magkahiwalay na dinala ang tatlo sa isang clinic sa Balabag. Habang ang asawa ni Rosita ay mabilis umano itong nailayo kung kaya’t nakaligtas ito.

Sa imbestigasyon naman sa isang clinic na pinagdalhan sa mag-ina, maayos na umano ang kondisyon ng ina subalit ang anak nito ay sinubukan pang i-revive  doctor na sumuri dito ngunit idineklara rin itong patay.

Kaugnay nito, ayon sa pamilya naman ni Martellino, binawian rin ito ng buhay matapos hawak-hawak pa ng biktima ang live wire.

Sa ngayon, humihingi naman ng depensa ang pamilya ni Martellino sa opisina ng Akelco kung ano ang kanilang aksyon dito at kung bakit aksidenteng nahulog ang linya ng kanilang kuryente sa lugar.

Isa sa mga nabiktimang restaurant ng Prank Caller sa Boracay, nagreklamo sa mga pulis

Posted November 6, 2016
Ni Inna Carol L. Zambrona, YES FM Boracay

Image result for prank callerMinabuting inireklamo ngayon ng isa sa mga restaurant sa Balabag sa Boracay PNP ang kanilang hinaing  matapos itong mabiktima ng Prank Caller nitong Huwebes ng hapon.

Sa blotter report ng Boracay PNP, nag-order  sa kanila itong si certain Jupiter ng 6 box ng pizza na nagkakahalaga ng P3, 490 kung saan kanila itong idi-deliver sa Aksyon Center sa Balabag.

Kaugnay nito, nag-instruct pa umano ang suspek sa kanilang delivery personnel na magdala ng P2, 510 na panukli. At nang kanya na itong idi-deliver ay tumawag ulit ang suspek at pinabili ito ng apat na litrong coke at naki-usap pa itong loadan ng P 2, 300 na kanya namang nilodan.

Samanala, ng makarating na ito sa Barangay Hall ng Balabag ay nagulat nalang ito na wala naman palang certain Jupiter na nag-order sa kanila.

Minabuti naman itong i-report ng management ng restaurant upang malaman ng tao na merong ganitong modus sa Boracay.

Proyekto ng DPWH ngayong taon sa Aklan, minamadali ng matapos

Posted November 6, 2016
Ni Inna Carol L. Zambrona, YES FM Boracay

Image result for dpwhMinamadali na umano ngayong tapusin ng DPWH o Department of Public Works and Highways ang kanilang mga proyekto ngayon taon sa probinsya ng Aklan.

Ayon kay DPWH-Aklan District Engineering Office De Noel Fuentebella, nais nilang matapos ito sa lalong madaling panahon kahit na ang ilan ay medyo na delay sa deadline na itinakda.

Aniya, makikita naman umano sa mga lugar na kanilang sinimulan at ipinaayos ang development nito partikular umano dito ang road widening sa probinsya.

Samantala sinabi pa nito na malapit na umanong matapos ang ospital na pinapagawa sa likod ng Health Center sa Balabag subalit bahagya muna itong itinigil dahil meron pa silang inaayos sa lugar.

Sa kabila nito, sa susunod na taong 2017 ay prayoridad parin nila ang road widening project sa probinsya kung saan nagsisimula narin umano sila ngayon sa kanilang ini-implementang proyekto kung saan kung ito ay maaaprobahan ay kanila itong pag-uusapan ngayong buwan.

Friday, November 04, 2016

Chinese National, panibagong biktima ng illegal na commissioner sa Boracay

Posted November 4, 2016
Ni Inna Carol L. Zambrona, YES FM Boracay

Image result for estafaIsa na namang turistang Chinese National ang nabiktima ng illegal na commissioner sa isla ng Boracay kahapon.

Kinilala sa blotter report ng Boracay PNP ang biktima na si Chen Tao, 33-anyos at nanunuluyan sa isang hotel sa Brgy. Balabag.

Ayon sa salaysay ng biktima sa mga pulis, kumuha umano ito ng water sports activity sa hindi nakilalang commissioner na kinabibilangan ng Island Hopping at Boat Sailing kung saan nagkakahalaga naman ito ng P 7, 800.

Nabatid na matapos umano ang isinagawang Boat Sailing activity ng biktima ay magkikita naman umano sila ng alas- 10 ng umaga kahapon para gawin ang Island Hopping.

Subalit, sa paghihintay umano ng biktima sa kanilang pinag-usapang lugar para gawin ang island activity ay bigong nagpakita ang suspek kung saan labis naman ang pagkadismaya ng biktima dito.

Kaugnay nito, minabuting ini-report ng biktima ang insedente sa Boracay PNP Station kung saan  nagpapatuloy parin sa ngayon ang kanilang imbestigasyon hinggil sa nasabing reklamo.

Pork Vendor na number 8 High Value Target sa Aklan, nahulihan ng iligal na droga

Posted November 4, 2016
Ni Inna Carol L. Zambrona, YES FM Boracay

Image result for buybustHuli sa isinagawang operasyon ng Provincial Anti-Illegal Drugs Special Operation Task Group (PAIDSOGT) at New Washington PNP ang number 8 High Value Target na isang Pork Vendor sa buy-bust operation.

Arestado ang nakilalang suspek na si Roljun Tejada, 36-anyos at residente ng Brgy. Jalas, New Washington.

Nakuha sa posisyon ng suspek ang isang sachet ng pinaniniwalaang droga na may kapalit na P 1,000 habang sa isinagawa pang body search dito ay nakuhaan pa ito ng dalawang suspected shabu at P 500 na unmarked money.

Ayon kay Police Chief Inspector Jerick Vargas ng New Washington PNP, matagal na umano nilang minaman-manan ang suspek kung saan sinabi nito na hindi lang ang kanilang lugar ang sinusuplayan nito pati na ang ibang bayan sa probinsya.

Nabatid na hindi lang umano illegal na droga ang kinasasangkutan ng suspek kung saan pati na umano ang mga illegal na gawain.

Mahigpit umanong ipinagbabawal ng administrasyong Duterte ang illegal na droga sa bansa kung saan naka-piit at nakatakdang ngayong sampahan ng kaso ang suspek na si Tejada.

DOLE, nakatakdang pag-usapan ang ENDO sa Boracay

Posted November 4, 2016
Ni Inna Caro L. Zambrona, YES FM Boracay

Image result for Department of Labor & EmploymentPatuloy ang kampanya ng Duterte Administration na wakasan ang ENDO o (End of Contractualization).

Dahil dito,nakatakda itong pag-usapan ngayong araw na Biyernes dito sa isla ng Boracay kung saan ang magiging tagapagsalita dito ay si Undersecretary Dominador Say.

Nabatid na ang “ENDO” ay nakatakdang tapusin matapos ang isinagawang Orientation on the Elimination of Contractualization, "ENDO" & other Prohibited Practices ng Department of Labor & Employment (DOLE-Aklan).

Inaasahan naman ni Arlyn Siaotong – OIC DOLE Aklan Field Office na dadaluhan ito ng mga employers sa Boracay nang sa gayon ay maunawaan nila itong usapin sa pagsusulong ni Presidente Duterte na wakasan ang ENDO sa Pilipinas. 

Pagkain ng shellfish sa Aklan, ligtas sa kabila ng red tide

Posted November 4, 2016
Ni Inna Carol L. Zambrona, YES FM Boracay

Image result for shellfishNananatili umanong ligtas sa red tide toxins ang buong baybayin sa probinsya ng Aklan ayon sa Bureau of Fisheries and Aquatic Resources (BFAR).

Kaya umano walang dapat ikabahala ang mga tao lalong-lalo na sa mga mahilig kumain ng shellfish dahil sa kabila ng red tide ay pwede itong kainin.

Nabatid na nitong mga nakaraang buwan ay naapektuhan ang tatlong bayan ng probinsya na kinabibilangan ng Batan, Altavas at New Washington sa malawakang red tide kasama na ang mga baybayin sa Capiz.

Sa kabila nito nananatili parin ang ginagawang pag-monitor ng BFAR sa mga karagatan sa bansa para masiguro ang kaligtasan ng publiko.

Thursday, November 03, 2016

Habal-habal driver, kalaboso sa buybust operation

Posted November 3, 2016
Ni Inna Carol L. Zambrona, YES FM Boracay

Image result for buybustKalaboso ang isang habal-habal driver sa isinagawang drug buy-bust operation ng mga pulis sa Lezo, Aklan.

Kinilala ang naarestong suspek na si Geron Icamina y Taran, 22-anyos, residente ng Barangay Bugasongan, Lezo.

Nahuli ang suspek sa pinagsamang pwersa ng Lezo PNP at Provincial Anti Illegal drugs Special Operation Task Group kung saan nabilhan ito ng isang sachet ng suspected shabu kapalit ng isang libong piso na marked money matapos itong maghatid ng pasahero sa sementeryo ng naturang lugar.

Nabatid, na sumuko na ang suspek sa Lezo PNP dahil sa paggamit at pagbebenta nito ng droga.

Samantala, itinanggi naman nito na nagbenta siya ng iligal na droga matapos itong mahuli ng mga pulis.

Sa ngayon ang suspek ay nakatakdang sampahan ng kasong paglabag sa Republic Act 9165 o dangerous drugs act of 2002.

Habal-habal driver at Pintor sa Boracay, arestado sa magkahiwalay na buy-bust operation ng mga pulis

Posted November 3, 2016
Ni Inna Carol L. Zambrona, YES FM Boracay

Image result for say no to drugsSa kulungan ang bagsak ng habal-habal driver at isang pintor matapos mahuli ang mga ito na umanoy tulak ng droga sa magkahiwalay na buybust operation kaninang madaling araw.

Pasado alas 12:40 kanina ng madaling araw ng maaresto ang suspek na si Ryan Yabut y Dela Cruz, 37-anyos tubong Brgy. Bayanan, Muntinlupa City, isang habal-habal driver sa Sitio Cabanbanan Upper, Manoc-manoc kung saan siya temporaryong nakatira.

Hinuli ang suspek ng Provincial Anti-Illegal Drugs and Special Operations Task Group (PAIDSOTG), Boracay Tourist Assistance Center (BTAC), Philippine Drug Enforcement Agency (PDEA) at Maritime Group.
Ang suspek ay sinasabing nabilhan ng dalawang sachet ng suspected shabu kapalit ng P1, 500 na buy-bust money mula sa isang poseur buyer at cellphone na naglalaman ng illegal transaction.

Samantala, isa namang 27-anyos na Pintor ang nahuli sa magkahiwalay na operasyon ng mga nabanggit na grupo at mga pulis sa Sitio Cabanbanan Crossing ng naturang lugar din kaninang ala-1:35.

Kumagat sa inihaing patibong ang target na si Jose Lowies Javier y Alagos ng Hagachac, Makato, Aklan at temporaryong nakatira sa Sitio Lugutan, Manoc-manoc.

Nakuha sa posisyon ng suspek ang isang hinihinalang droga na may kapalit na P 3,000 buy-bust money at  cellphone rin na naglalaman ng mga transaksyon para sa illegal na droga.

Sa ngayon ay nahaharap naman ang dalawang suspek sa kasong paglabag sa R.A 9165 o ang Comprehensive Dangerous Drugs Act Of 2002.