Posted January 3, 2017
Ni Danita Jean A.
Pelayo, YES FM Boracay
Nakatanggap ng tawag ang Boracay PNP matapos umanong may
mangyaring pananaksak sa Brgy. Balabag, Boracay noong biyernes.
Ayon sa blotter report, kinilala ang biktimang si Carlo
Angelo Padin Estrellanes, 21-anyos, tubong Brgy. Igbaras, Iloilo na
pansamantalang nanunuluyan sa Sitio Hagdan, Brgy. Yapak, Boracay.
Naglalakad umano sa kalsada ang biktima matapos itong bumili
ng sigarilyo, nang makasalubong nito ang di nakilalang lalaki na papalapit sa
kanya, at walang anuman ay bigla na lamang itong sinaksak ng kutsilyo.
Sinubukan pa umano ni Estrellanes na harangin ang pag- atake nito ngunit
nagtamo pa rin ito ng tama sa kanyang kaliwang balikat.
Agad naman umano siyang umuwi sa kaniyang tinutuluyan at
nagpasaklolo sa kaniyang mga boardmates, kung saan dinala siya ng mga ito sa
isang klinika upang malapatan kaagad ng lunas.
Sa ngayon, nagsasagawa na ng Hot pursuit operation ang
mga otoridad para sa pag- aresto sa di nakilalang suspek.
Samantala, dineklara namang out patient na ang biktima sa
nasabing klinika.
No comments:
Post a Comment