YES THE BEST 911 BORACAY

Friday, January 27, 2017

Tatlong drug pusher, timbog sa Boracay

Posted January 27, 2017
Ni Danita Jean A. Pelayo, YES FM Boracay

Image result for drug bust
Tatlo na namang drug pushers ang nahuli ng mga awtoridad alas- nuebe kagabi sa ginawang drug- buy bust operation sa Sitio Bolabog, Boracay.


Ito’y matapos ang pinagsamang pwersa ng Provincial Anti-Illegal Drugs Special Operation Task Group (PAIDSOTG), Malay MPS, Boracay Tourist Assistance Center (BTAC), AAPSC, MARITIME Police at PDEA.

Nadakip sina Jeneveve Canja Y Jaudines,43- anyos ng Tobias,Fornier, Antique, Melchor Saron Y Flores, 46- anyos ng Tagbaya, Ibajay at Jose Salvador Timoteo Cahilig Y Salido, 34- anyos ng Poblacion, Ibajay.

Nabilhan si Canja ng sachet of suspected shabu kapalit ang P1,000 marked money galing sa poseur buyer sa kanyang boarding house sa nasabing lugar.

Samantala, nakuha naman kay Saron ang apat na sachets ng suspected shabu habang si Cahilig ay naaresto sa loob ng kuwarto ng boarding house na sinasabing isang drug den.

Narecover din dito ang tatlong piraso ng aluminum foil at disposable lighters.

Kaugnay nito, ang mga suspek ay ikinustodiya ng mga operatiba ng PAIDSOTG sa bayan ng Kalibo, kung saan nahaharap ang mga ito sa kasong paglabag sa  Sections 5 (selling of drugs), 6 (maintenance of a den) and 11 (illegal possession of drugs) of Republic Act 9165 or the Comprehensive Dangerous Drugs Act of 2002.


Mga hotel sa Boracay nasa 80-90 % bookings na para sa Chinese New Year – DOT

Posted January 27, 2017
Ni Danita Jean A. Pelayo, YES FM Boracay

Image result for chinese new year 2017
Isang araw bago sumapit ang Chinese New Year ay nasa 80 hanggang 90 porsyento na ang bookings sa mga resort o hotels sa isla.


Maliban dito, sa panayam kay  DOT Boracay Sub-Office Tourism Assistant Kristoffer Leo Velete, pahirapan na umano ngayon ng pag-book sa mga hotels lalo na kung walk-in.

Aasahan umano ang pagkakaubusan ng mga available na rooms dahil nakikita nito ang pagdagsa ng tsinong turista dahil na rin sa state of warming-up ng bansang China at Pilipinas.

Pinaabot naman ni Veleta sa mga turista at maging sa kapwa Pilipino na i- secure ang kanilang mga gamit  para maiwasan ang mga di-inaasahang insidente habang nagsasaya.

Samantala, inaasahan na mahigpit ang seguridad na ilalatag ng Boracay PNP lalo pa at magkakaroon ng mga malalaking events maliban pa sa mga fireworks display na mangyayari sa long beach ng isla.

Sekyu sa ASU-Ibajay, binaril-patay

Posted January 27, 2017
Ni Danita Jean A. Pelayo, YES FM Boracay

Image result for shooting incidentPatay ang isang security guard matapos na barilin ng di pa nakilalang suspek sa Bayan ng Ibajay kagabi.

Kinilala ang biktima na si Edilberto Magwale Jontilano, 53- anyos, may asawa at residente ng Brgy. Poblacion, Ibajay.

Ayon kay PO3 Venus Olandesca ng Ibajay MPS, nakatanggap umano sila ng tawag galing mismo sa guwardiya ng paaralan ukol sa nangyaring pamamaril na agad namang nirespondehan ng pulisya.

Lumalabas sa inisyal na pagsisiyasat ng mga otoridad at base na rin sa mga bystanders na nasa labas ng nasabing paaralan na naka-motor ito habang binabaybay ang kalsada papuntang ASU para mag- duty ng bigla na lamang may nag overtake na motorsiklo at sa walang dahilan ay binaril nito ang una.

Nabatid na nagawa pa umanong i-park ng mga suspek ang kanilang motor kung saan bumaba ang backrider nito at nilapitan pa ang biktima at walang kaabog- abog pa itong pinagbabaril at nang masigurong ito ay patay na ay agad na umalis ang mga suspek.

Nabatid na nakita ang katawan ng biktima na nakabitin sa steel barrier ng kalsada kung saan ideneklara itong patay.

Samantala, tuloy pa rin ang imbestigasyon ng Ibajay PNP sa nangyaring pamamaril at para sa pagtugis ng mga suspek.

Dredging operation sa Aklan River, sinalubong ng protesta

Posted January 27, 2017
Ni Inna Carol L. Zambrona, YES FM Boracay

Image result for dredging operationNasa isang-daan na residente ng Barangay Bakhaw Norte, Kalibo ang nag-rally bitbit ang kanilang mga placard sa harap mismo ng Department of Environment and Natural Resources (DENR)-Aklan kaugnay parin sa dredging operation sa Aklan River.
Sa pangunguna ni Barangay Chairman Maribeth Cual ng Bakhaw Norte, ipinaabot nito sa mga kinauukulan ang umano’y paghuhukay at pagkuha ng buhangin ng dredging vessel na MV Zhong Hai 18 ng Globe Bulk Services Philippines Corporation na kinuha ng Santarli o (STL) Panay Resources Company para sa naturang proyekto.

Ilang bahay na umano sa lugar ang nangangamba na mahulog sa ilog dahil umano sa soil erosion saan dapat umano munang ihinto ang kanilang operasyon.

Nabatid umano na ang makukuhang buhangin sa pag-dredge ay bibiilhin ng P5 per cubic meter at dadalhin sa Singapore.

Aklanon fashion designer, kasama sa glam team ng bansang Sierra Leone sa Ms. Universe

Posted January 27, 2017
Ni Inna Carol L. Zambrona, YES FM Boracay

Photo Credit by the Owner
Kasama sa glam team ng bansang Sierra Leone sa Ms. Universe ang Aklanon fashion designer na si Jeff Jussel Silvestre, 23-anyos tubong Camanci Norte, Numancia, Aklan.

Nabatid na si Silvestre ang gumawa ng dalawang damit ng kandidata ng Sierra Leone na kanyang gagamitin para sa Ms. Universe.

Isang gown at dress umano ang kaniyang ginawa para kay Ms. Universe Candidate Hawa Kamara kung saan siya rin umano ang nag-turo kay Hawa na mag-makeup ng kanyang sarili kahit meron silang makeup artist sa Ms. Universe.

Naging bahagi ng glam team si Silvestre dahil na rin sa kahilingan at paghingi ng tulong ng grupo ni Kamara sa pamamagitan ng Facebook, lalo pa nga’t ito rin ang unang beses na sila ay sasali sa naturang beauty pageant.

Ang Aklanon na si Silvestre ay nagtapos ng HRM sa Garcia College of Technology at nag-aral ng fashion designing sa Manila, kung saan may mga ginawa na umano itong fashion shows at nagpaplano na gawin ito sa probinsya ng Aklan para makita rin ng mga Aklanon ang kanyang maniobra.


Thursday, January 26, 2017

Comelec Satellite Registration sa Kalibo, mag-uumpisa na bukas

Posted January 26, 2017
Ni Danita Jean A. Pelayo, YES FM Boracay

Image result for news about comelec 2017 election
Bilang paghahanda sa nalalapit na eleksyon sa Oktubre, nakatakdang maglagay ng satellite registration ang COMELEC sa isang mall sa bayan ng Kalibo.

Layunin nitong masiguro na lahat ng mamamayan ay makapagrehistro para sa Sangguniang Kabataan at Barangay Elections.

Ayon sa COMELEC, magtatagal ito ng dalawang araw  simula Enero 27 hanggang 28 at tatanggap ng mga magpaparehistro simula alas- nuebe ng umaga hanggang alas- tres ng hapon.

Samantala, ayon naman kay Malay COMELEC Election Officer II Elma Cahilig, tuloy- tuloy na umano ang registration ng publiko sa Mainland.

Kung saan lunes hanggang sabado umano ang kanilang schedule, habang sa araw naman ng huwebes hanggang sabado ay pumupunta umano sila sa mga barangay sa Mainland para sa isinasagawang Satellite Registration.

Nabatid na nagsimula ang voter’s registration sa COMELEC National noong Nobyembre 7, 2016 na magtatapos sa Abril 29 taong kasalukuyan.

Isyu kaugnay sa Human Trafficking sa Kalibo International Airport, iimbestigahan ng SP-Aklan

Posted January 26, 2017
Ni Inna Carol L. Zambrona, YES FM Boracay

Image result for human traffickingPinasiguro ngayon ng Sangguniang Panlalawigan ng Aklan na magkakaroon sila ng sariling imbestigasyon hinggil sa isyu sa human trafficking kung saan ginagamit ang Kalibo International Airport bilang daanan ng mga iligal na aktibidad na ito sa probinsya ng Aklan.

 Ayon kay SP Member Harry Sucgang, ayaw na sana nilang makisawsaw o makialam sa naturang isyu dahil may ginagawang imbestigasyon na ang mga otoridad subalit kailangan daw nila itong bigyan ng pansin.

Nabatid kasi na maaari itong maka-apekto sa peace and order at sa insdustriya ng turismo ng probinsya dahilan upang talakayin ito ng Sangguninang Panlalawigan.

Kaugnay nito, dapat na umanong mawala o mahinto itong iligal na aktibidad sa probinsya.

Matatandaan  nitong nakaraang linggo ay nahuli ang mga illegal recruiter na umano’y nagpapasok ng apat na mga biktima na pupunta sanang Malaysia para magtrabaho.

Dahil sa papalapit na Chinese New Year, turista dagsa sa Boracay

Posted January 26, 2017
Ni Danita Jean A. Pelayo, YES FM Boracay

Image result for chinese new year 2017
Dagsa na umano sa isla ng Boracay ang mga turista kung saan karamihan ay mga  Chinese National dahil sa papalapit na selebrasyon ng Chinese New Year sa Enero 28.

Ayon kay Special Operation III Jean Pontero ng Jetty Port Administration, handa na umano sila sa pagpasok ng peak season kung saan nakalatag  ang preparasyon ng Caticlan Jetty Port sa mas pinaigting na seguridad para sa mga turista.

Nabatid na makikita sa Caticlan at Cagban port ang mga hanay ng kapulisan maging ang mga guards sa mga ports para sa mas organisado at maayos na paglabas-pasok sa mga pantalan na nabanggit.

Kaugnay nito, nakahanda naman umano ang mga medical groups sakaling may emergency na mangyari.

Samantala, ayon din kay Pontero patuloy naman umano ang loading at unloading ng mga bangka at ang dahilan lang ng pagkadelay dito ay bunsod ng malakas na ihip ng hangin at kung minsan ay ang maalon na karagatan.

Wednesday, January 25, 2017

Residente ng Barangay Dumlog, nagpasaklolo sa SB-Malay hinggil umano sa dumi ng tao na kanilang naamoy sa lugar

Posted January 25, 2017
Ni Inna Carol L. Zambrona, YES FM Boracay

Nagpaabot ngayon ng hinaing ang ilang mga residente sa Barangay Dumlog sa Mainland Malay sa mga kasapi ng SB-Malay ito’y dahil umano sa masang-sang na “dumi ng tao” na kanilang naamoy sa kanilang lugar.
Sa naganap na Session nitong Martes, binuksan ni Liga President Julieta Aron itong usapin dahil narin sa reklamo na kanyang natatanggap mula sa mga residente.

Samut-saring komento ang ipinahayag ng mga miyembro ng SB kung saan nga ito umanong reklamo ay umabot na sa social media na pinost sa Facebook.

Kaugnay nito, nagpa-abot ng sulat ang mga residente na apektado ng umano’y masangsang na amoy na kanilang nalalanghap sa lugar.

Binasa ni SB Secretary Concordia Alcantara ang liham na ipinaabot ng mga residente kung saan nakapaloob dito ang reklamo partikular malapit sa eskwelahan ng Barangay Dumlog na sila ay nag-rereklamo hinggil sa mabahong amoy na kanilang nalalanghap na galing umano sa tapunan ng “dumi ng tao”.

Nabatid umano na bumabaho ang lugar kung ito ay nababasa.

Kaugnay nito, humihingi sila ng tulong sa mga nasasakupan kung pwede matulungan sila sa kanilang problema.

No Helmet sa bayan ng Malay, isinusulong

Posted January 25, 2017
Ni Inna Carol L. Zambrona, YES FM Boracay

Image result for helmet“No Helmet sa mga motorista”.

Ito ngayon ang laman ng Privilege Speech ni Liga President Julieta Aron sa 4th Regular Session ng Malay kahapon.

Isinusulong ni Aron na huwag na umanong gumamit ng helmet ang mga motorista base umano sa kanilang pagpupulong na ginawa ng mga Punong Barangay sa Mainland.

Aniya, nagiging threat na umano ito sa mga residente dahil hindi umano nila nakikilala ang driver ng motorsiklo kung saan uso na umano ngayon ang riding in tandem na sanhi ng ilang kriminalidad.

Pagtutol naman ni SB Member Graf, ang paggamit ng helmet ay makatutulong umano sa mga motorista para maiwasan ang anumang disgrasya.

Paglilinaw ni Graf, pwede raw ito kung sa piling lugar lang ito ipatupad dahil ang paggamit ng helmet malaking tulong sa mga driver ng motorsiklo.

Si SB Member Gallenero ay sumang-ayon naman sa gustong mangyari ni Aron dahil marami ng krimen umano sa isla ng Boracay na  ng riding in tandem kung saan isa raw itong paraan upang madaling makilala ang driver ng motorsiklo.

Kaugnay nito, ire-refer ito sa Committee on Laws na pinamumunuan ni Gallenero kung saan nakatakda nilang suriin ang National Law para madesisyunan ang isinusulong na ordinansa ni Aron.

Ayon naman kay Vice Mayor Abram Sualog, pag-aralan muna umano ang traffic ordinance kung ano ang mga related ordinance na angkop para dito.