YES THE BEST 911 BORACAY

Friday, March 03, 2017

Malay Water District, ini-Reklamo ni Caticlan Punong Barangay Juliet Aron

Posted March 3, 2017
Ni Danita Jean A. Pelayo, YES FM Boracay

Image result for malay water district“Kawalan ng suplay ng tubig”.

Ito ang laman ng Privilege Speech ni Liga President at Caticlan Punong Barangay Juliet Aron hinggil sa problema nila sa serbisyo ng Malay Water District.

Sa naganap na 8th Regular Session ng SB Malay nitong Martes, ibinahagi ng kapitana ang kaniyang pagkadismaya dahil sa naranasan nilang kawalan ng tubig nitong nakalipas na mga araw ng Biyernes at Sabado.

Bago nito, ang nasabing problema ay matagal ng inirereklamo ng mga residente doon kung saan hanggang sa kasalukuyan ay hindi pa rin daw naso-solusyonan.

Ayon naman kay Vice Mayor Abram Sualog, kailangan ng ipatawag ang ahensyang ito dahil sa marami silang nais na itanong tungkol sa suplay ng tubig sa Bayan ng Malay.

Bunsod nito, napagkasunduan ng mga kinatawan ng SB na talakayin ang usaping ito sa susunod na sesyon kung saan ipapatawag ang mga water providers tulad ng Boracay Water Company o (BIWC), Malay Water District o MWD, Boracay Tubi Systems Inc. (BTSI) kasama ang Tourism Infrastructure and Enterprise Zone Authority o (TIEZA).

Thursday, March 02, 2017

Sunog sumiklab sa New Washington,Aklan

Posted March 2, 2017
Ni Inna Carol L. Zambrona, YES FM Boracay

Image result for sunogSinalubong agad ng sunog ang unang araw ng Fire Prevention Month ng Bureau of Fire Protection (BFP), makaraang tupukin ng apoy ang isang bahay sa Brgy., Tambak, New Washington, Aklan.

Sa panayam kay Fire Officer 1 John Irvin Prado ng New Washington-BFP, dakong alas 8:40 ng umaga umano nang makatanggap sila ng tawag na nasusunog ang bahay na pagmamay-ari ng mag-asawaang Agapito at Novilita Valencia.

Aniya, malaki na ang apoy ng kanila itong nirespondihan kung saan agad nila itong pinagtulungan na maapula para hindi na kumalat at madamay ang mga katabing bahay.

Nabatid na yari sa mixed and light materials ang bahay dahilan para mabilis na kumalat ang apoy.

Dakong 9:05 ng umaga nang ideklarang fire out na tumupok ng mahigit sa P350 thousand na halaga ng ari-arian.

Sa ngayon, inaalam pa ng New Washington BFP ang sanhi ng naturang sunog. 

Wednesday, March 01, 2017

Baril ng sekyu sa Boracay, pumutok; turista aksidenteng, natamaan

Posted March 1, 2017
Ni Danita Jean A. Pelayo, YES FM Boracay

Image result for bala
Isang baril ng security guard ang umano’y pumutok at aksidenteng natamaan ang turistang guest sa isang hotel sa Station 1. Brgy, Balabag, Boracay.

Kinilala ang biktima na si Sara Lian Elis, 31- anyos, isang foreign national at temporaryong nanunuluyan sa isang resort sa nasabing lugar.

Ayon sa salaysay ng biktima, habang naghihintay sila ng kanilang masasakyan sa lobby ng tinutuluyang resort bigla na lamang silang nakarinig ng putok ng baril kung saan naramdaman na lamang ni Elis na tinamaan na umano pala siya sa kanyang kanang bukong- bukong.

Agad namang ni-respondihan ng mga pulis ang nasabing pangyayari.

Boracay, kabilang sa “Best Beaches In The World” – Tripadvisor

Posted March 1, 2017
Ni Danita Jean A. Pelayo, YES FM Boracay

Image result for boracay
Pinangalanan na ng isang travel website ang pasok na mga sikat na beach sa buong mundo ngayong 2017.


Kabilang sa dalawampu’t limang kinilala sa buong mundo ay ang isla ng Boracay bilang isa sa mga travel’s choice ng mga reviewers at travelers.

Base sa datos ng Tripadvisor na isa sa mga nangungunang travel at bookings website sa buong mundo, nakapasok sa rank 24 ang Boracay bilang isa sa pinaka-popular na beach kung saan kilala din ito sa pagkakaroon ng kahanga-hangang sunsets at white sand na nanatiling “cool” kahit na mainit ang panahon.

Ang Tripadvisor’s Travellers Choice Awards ay ang taunang resulta galing sa mga pagsusuri ng dami at kalidad ng travel rating at feedback ng mga reviewers at travelers ng isang lugar sa loob ng 12 buwan o isang taon.

Isandaang tricycle driver sa Kalibo, gagawing tour guide

Posted March 1, 2017
Ni Inna Carol L. Zambrona, YES FM Boracay

Image result for parking tricycleTinatayang nasa mahigit isangdaan na mga tricycle driver umano ang gagawing tour guide para i-promote ang turismo sa bayan ng Kalibo.

Ito umanong isangdaang tricycle driver na pinili ng Lokal na Pamahalaan ng Kalibo ay naatasang mag-tour sa mga turista sa mga lugar ng Tigayon Hill, Museo it Akean, Kalibo Eco-Bakhawan Park, Kalibo Cathedral at pasalubong shops kung saan ito rin umano ay may murang packages.

Nabatid na itong mga driver na magsisilbing tourguide sa mga turista ay may sticker na “Vibrant Kalibo” para madaling makilala ng mga turista at naka standby ang mga ito sa Kalibo Pastrana Park.

Samantala, pinamumunuan naman ni Bernie Almero ng Kalibo Tricycle Drivers and Guides Association (Katridga) itong mga sertipikadong miyembro ng tour guides.

Command Center, isa sa mga kailangan sa Boracay- Tirol

Posted March 1, 2017
 Ni Inna Carol L. Zambrona, YES FM Boracay

Image result for command center“Isa ngayon na kailangan pa sa isla ng Boracay ay ang Command Center”

Kabilang ito sa mga nabanggit ni Commodore Leonard Tirol ng Boracay Action Group o BAG sa panayam sa kanya ng himpilang ito.

Aniya, kailangan sa isla ng Command Center na siyang magiging pangunahing takbuhan o tatawagan sa oras na merong mangailangan ng tulong.

Ang naturang Command Center ay kaniyang inihalintulad sa Davao City na mayroon silang  911 hotline number na tatawagan sa oras ng emergency.

At kung sakaling maipatupad ang naturang proyekto, isa aniya itong magandang investment, dahil hindi na mahihirapan ang mga residente pati na ang mga foreign tourist kapag sila ay mangailangan ng tulong.

Dagdag pa nito kailangan din aniyang maglagay ng 24/7 medical team sa oras ng pag-responde.

Ang command center ang masisilbing operation ng isla na tatanggap ng lahat ng tawag na kinakailangang tugunan sakaling may mangyaring insedente o emergency.

Samantala, inaayos na umano ng administrasyon ni Mayor Ceciron Cawaling ang nasabing proyekto.

Fire Prevention Month, nagsimula na

Posted March 1, 2017
Ni Inna Carol L. Zambrona, YES FM Boracay

Image result for 2017 fire prevention monthIsang malakas na alingawngaw ng sirena ng fire truck sa Boracay ang gumising sa mga residente kaninang alas- singko y medya  umaga.

Ito’y dahil nagsimula na ang isang buwan na paggunita ng Fire Prevention Month sa lahat ng mga Fire Office’s sa bansa.

Bilang kampanya laban sa sunog ngayong Fire Prevention Month, ang Bureau of Fire Protection Unit (BFPU) Boracay ay nagkaroon ng motorcade na nagsimula sa Cagban Port hanggang Eco Village sa Brgy. Yapak na di-diretso sa Balabag.

Pinangunahan naman ito ni BFP-Boracay Fire Inspector Johnny Comoda, LGU Officials at mga responders team sa Boracay.

Samantala, may tema naman sila ngayong taon na “Buhay at Ari-arian ay Pahalagahan, Ibayong Pag-iingat sa Sunog ay sa Sariling Pamamahay Simulan”.

Maliban dito nagbigay rin ang mga ito ng safety precaution tips sa publiko kung paano makakaiwas sa sunog at kung ano ang mga dapat gawin sakaling magkaroon ng sunog.

Ang buwan ng Marso ay kilala bilang Buwan ng Pag-iwas sa Sunog o ang Fire Prevention Month sa Pilipinas.

Tuesday, February 28, 2017

Dalawang Cruiseship, dumaong sa isla ng Boracay

Posted February 28, 2017
Ni Danita Jean A. Pelayo, YES FM Boracay

Image result for MS Seven Seas VoyagerDumaong na sa isla ng Boracay ngayong huling araw ng Pebrero ang dalawang cruiseship na MS Seven Seas Voyager at MS Crystal Symphony.

Ayon kay Special Operation III Jean Pontero ng Jetty Port, lulan ng MS Seven Seas VoyagerXC   ang tinatayang pitong daang mga pasahero at apatnaraang mga crew na dumating  kaninang alas-otso ng umaga sa isla mula Kota Kinabalu Malaysia.

Ito na ang ikalawang beses na ito’y bumisita sa Boracay.

Image result for crystal symphonySamantala, ang MS Crystal Symphony naman ay tinatayang may siyamnaraang pasahero at limang daang mga crew kung saan dumating ito ng alas- diyes ng umaga kanina galing sa Indonesia.

Ito naman ang unang beses ng pagdaong nito sa isla.

Nabatid na pagkatapos ng kanilang pagbisita sa Boracay, tutungo sa Maynila ang MS Seven Seas Voyager mamayang alas-singko ng hapon, habang tutulak naman sa Romblon mamayang alas-nuebe ng gabi ang MS Crystal Symphony.

Kaugnay nito, ang dalawang cruiseship ay ika-lima at ika- anim na dumaong sa isla ng Boracay ngayong 2017.

Laborer, kalaboso sa kasong Physical Injury

Posted February 28, 2017
Ni Inna Carol L. Zambrona, YES FM Boracay

Image result for kulongKalaboso ang isang Laborer matapos itong mahuli sa kasong Physical Injury sa Brgy., Mayapay, Buruanga, Aklan.

Isinagawa ng Buruanga Municipal Police Station ang pag-aresto sa suspek na si Julito Cabangon y Perucho, 18-anyos residente ng naturang lugar.

Nabatid na nahuli ang suspek sa kasong RIR to Serious Physical Injury na may Criminal Case number: 1745 na inisyu ni Hon. Judge  Maribel D. Guia-Cipriano ng 5th MCTC ng Buruanga, Aklan.

Samantala, nagkakahalaga naman ng P14, 000 ang ini-rekomendang piyansa para sa kalayaan ng nasabing suspek.

Monday, February 27, 2017

Commodore Tirol, hinikayat na mag-donate ng Fire-Extinguisher ang mga Hotel/Resort sa Boracay

Posted February 27, 2017
Ni Inna Carol L. Zambrona, YES FM Boracay

Image may contain: 1 person“Fire-extinguisher”

Ito ngayon ang nais ni Commodore Leonard Tirol ng Boracay Action Group o BAG sa mga Hotel/ Resort owners sa Boracay.

Sa kanyang naging interview sa programang Boracay Goodnews ng himpilang ito nitong Sabado ng umaga, hinihikayat niya ang mga ito na mag-donate ng kahit tig-iisang Fire-extinguisher.

Nabatid kasi na short-circuit sa mga poste ng kuryente ang kanilang kadalasang ni-rerespondehan kung saan ang kailangan umano nito ay Fire-extinguisher.

Ayon pa kay Tirol, sila na ang bumibili ng sariling Fire-extinguisher para gamitin sa pag-responde.

Kaya naman apela niya ngayon sa mga Hotel/ Resort owners sa Boracay na mag-donate sila para gamitin sa oras na kailangan ito.

Nabatid kasi na bawal pala umanong buhusan ng tubig ang kuryente na nasusunog dahil ito umano ay magiging sanhi pa para lumakas ang apoy.

BFP Boracay, naghahanda na sa Fire Prevention Month

Posted February 27, 2017
Ni Inna Carol L. Zambrona, YES FM Boracay

Image may contain: 1 person, sitting“Buhay at Ari-arian ay Pahalagahan, Ibayong Pag-iingat sa Sunog ay sa Sariling Pamamahay Simulan”

Ito ngayon ang tema na nakapaloob sa bagong slogan o campaign poster ngayong buwan ng Marso o Fire Prevention Month ng Bureau of Fire Protection (BFP).

Sa naging pahayag ni SFO3 Oscar Deborja ng BFP-Boracay, magsisimula umano sa alas 5:30 ng umaga ang kanilang motorcade bilang pag-uumpisa ng Fire Prevention Month sa isla ng Boracay.

Maliban dito, mamimigay sila sa mga bahay-bahay ng mga fliers na nag-lalaman ng mga paalala sa sunog at kung paano ito maiiwasan.

Samantala, may inihanda naman umano ang National Level sa loob ng isang buwan ng Marso na aktibidad para sa mga paaralan sa probinsya katulad ng poster making, slogan writing at eassy writing patungkol sa fire prevention month kung saan dadalhin naman ito sa national at ia-anunsyo kung sino ang mananalo.

Samantala, pinaigting naman ng kanilang opisina ang pakikipag-ugnayan sa publiko na dapat silang makinig sa mga Fire Safety Tips nang sa gayon ay maging-aware sila na maiwasan ang sunog.


Kaugnay nito, paalala ni Deborja sa mga residente na maging maingat sa mga binibiling electrical wires lalo na itong mga low quality na maari umanong maging sanhi ng sunog.

Korean National, muntik ng malunod sa Boracay

February 27, 2017
Ni Danita Jean A. Pelayo, YES FM Boracay

Image result for police reportMuntik na umanong malunod ang isang Korean National matapos itong mahulog sa dagat dahil sa paddle boarding sa Station 2 Brgy., Balabag, Boracay.

Sa blotter report ng Boracay PNP, napadaan umano ang isang Commisioner sa lugar nang makita nito ang biktima na kinilalang si Sung Min Kyu na nalulunod at nagsusuka na ng tubig-dagat na may halo na umanong dugo kung saan agad naman niya itong tinulungan.

Nabatid na ang biktima ay walang safety device sa kanyang katawan kung saan kinompronta umano dito ang may-ari ng paddle board at napag- alaman na hindi umano nito pinahiram sa biktima ang naturang paddle board.


Samantala, sa ngayon ay maayos na ang kalagayan ng nasabing biktima.

Lalaki, huli matapos magpuslit ng sapatos sa City Mall

Posted February 27, 2017
Ni Danita Jean A. Pelayo, YES FM Boracay

Image result for theftHuli ang isang lalaki matapos na magpuslit ng sapatos sa bagong bukas na City Mall sa Station 1 Brgy., Balabag, Boracay.

Naaresto ng Security Guard ang nasabing suspek matapos mahuli itong kinuha ang isang pares ng sapatos sa isang stall sa nasabing mall.

Ayon sa blotter report ng Boracay Tourist Assistance Center (BTAC), palabas na umano ang suspek nang mapag- alamang hindi pa nabayaran ang kinuhang sapatos kung saan inimbitahan ng sekyu ang lalaki para usisain at sa huli ay umamin din ito na ninakaw niya ang naturang sapatos.


Agad namang rumisponde ang mga pulis sa lugar at temporaryong ikinulong sa lock up cell ng BTAC ang suspek.