Friday, June 16, 2017

Dahil sa hindi natapos na Water Sports Activities, commisioner ini-reklamo ng bisita

Posted June 16, 2017
Ni Inna Carol L. Zambrona, YES THE BEST Boracay

Image result for boracay pnpNag-reklamo sa Boracay Tourist Assistant Center (BTAC) ang isang lalaki dahil umano sa hindi natapos na water sports activities na kanilang kinuha sa nagpakilalang komesyoner.

Ang nagrereklamo ay si John Melwin Garcia, 22-anyos ng Sampaloc Manila at pansamantalang nakatira sa hotel sa nasabi ring lugar.

Ayon sa salaysay ng biktima, kumuha umano sila ng water sports activity ng kanyang girlfriend sa isang commissioner na si certain “Berhill” at nagbayad P 3, 800 para sa Island hopping, Helmet diving at fliyfish.

Dagdag pa ni Garcia nagamit naman nila ang Island hopping at Helmet diving subalit ang flyfish umano ay hindi dahil sa wala na raw oras pero pinangakuan sila ni certain “Berhill” na i-avail nila ito kinabukasan.

Kaugnay nito, kahapon sana ang kanilang kasunduan na gagawin ang flyfish ngunit hindi nagkatugma ang kanilang schedule na pinag-kasunduan.

Samantala, minabuti paring puntahan ng biktima ang suspek sa kanilang pinag-usapang lugar subalit wala ito doon kung saan sinubukan itong tawagan ng biktima pero nagdahilan itong nasa Carabao, island.

Dahil dito, dahilan upang ipa-rekord ng biktima ang reklamo sa Boracay PNP.

Empleyado, kalaboso matapos tangayin ang pera ng pinag-tatrabahuan

Posted June 16, 2017
Ni Inna Carol L. Zambrona, YES THE BEST Boracay

Image result for theftPinaghahanap ngayon ng mga otoridad ang empleyadong tumangay ng kita ng kanilang pinagtatrabahuhan sa Sitio Cagban Brgy. ManocManoc, Boracay.

Sumbong ng isang Assistant Manager sa Boracay PNP, nitong Lunes umano isa sa kanilang empleyadong lalaki ang kumolekta ng mahigit P 37,000 sa kanilang kliyente subalit sa pagbalik nito sa kanilang opisina ay hindi nito ni-remit ang pera sa kanilang sekretarya.

Napag-alaman din na hindi na pumasok ang suspek sa kanyang trabaho kinaumagahan ng masingil niya ang pera.

Dahil dito, minabuti naman ng complainant na i-report ito sa Boracay PNP upang mahanap ang ini-rereklamong suspek.

Samanta, nakatakda umanong sampahan ng kasong Qualified Theft ang suspetsado na nagta-trabaho sa isang paints and hardware center.

Panelo, darating sa Aklan

Posted June 16, 2017
NI Inna Carol L. Zambrona, YES THE BEST Boracay

Image may contain: 1 person, smiling, sunglassesNakatakdang dumalo si Chief Presidential Legal Counsel Salvador Panelo sa gagawing media forum sa probinsya ng Aklan sa Hunyo 24.

Ang pagbisita ni Panelo ay para magbigay umano ng makasaysayang media forum sa pamamagitan ng Aklan Press Club kung saan isa sa mga tatalakayin niya dito ay patungkol sa Martial Law at Human Rights.

Maliban kay Panelo, tatalakayin din ng ibang tagapagsalita ng Duterte Administration ang tungkol sa pederalismo na pangungunahan ni DILG Undersecretary John Castriciones at  “Dutertenomics” na ipapaliwanag ni Finance Secretary Carlos Dominguez.

Gaganapin ang forum sa Aklan training center sa Kalibo at dadaluhan ng mga media sa Aklan, stakeholders, at ibat-ibang mga ahensya sa probinsya.

Ang media forum ay inorganisa para bigyang karangalan ang namayapang former Aklan Congressman Allen Salas Quimpo.

Matatandaan na una nang nagtungo at isa-isang nagbahagi at nagpaliwanag ng kanilang kaalaman ang mga tagapagsalita ng Pangulo sa pederalismo dito sa isla ng Boracay noong nakaraang taon.

Thursday, June 15, 2017

Pagdiriwang ng ika- 68th Foundation ng Malay, naging matagumpay

Posted June 15, 2017
Ni Danita Jean A. Pelayo, YES THE BEST Boracay

No automatic alt text available.
Naging matagumpay at masaya ang pagdiriwang ng ika-68th Foundation ng Bayan ng Malay ngayong araw.

Nag-umpisa ang programa sa pag-salarawan ni DepEd Malay PSDS Jessie Flores ng kultura ng Malay at kung paano ito namayagpag sa industriya ng turismo pagkatapos nitong humiwalay sa bayan ng Buruanga noong taong 1949.

Naging bahagi ng selebrasyon sina Aklan Governor Florencio Miraflores at Buruanga Mayor Concepcion “Inday” Labindao bilang pangunahing panauhin na dinaluhan din ng mga kawani ng lokal na pamahalaan at mga asosasyon at kooperatiba sa Malay.

Image may contain: one or more people, people standing, sky and outdoor
Nagbigay pugay din si Mayor Cawaling sa pamilya ng Santa Maria, Aguirre at iba pang pamilyang Malaynon sa pagpusigi nito noon na maging bayan ang dating Barrio Malay na bahagi pa ng Buruanga.

Nasaksihan sa pagdadaos na ito ang iba’t- ibang pagtatanghal ng mga Malaynon lalo na ng Boracay National High School na isinalin sa sayaw ang kultura ng mga taga Bolabog sa Boracay ang “Panginhas” o pagpulot na lamang dagat sa dalampasigan.

Samantala, malaki naman ang pasasalamat ng LGU Malay sa mga nakibahagi at nagbigay ng suporta sa naturang selebrasyon.

Ang selebrasyon na ito ay nagpapa-alala ng paghihiwalay ng Malay na dating bahagi at baryo  sa Bayan ng Buruangga na inaprubahan noong June 15, 1949 dahil sa bisa  ng Republic Act No. 381 na pinirmahan ni dating Pangulong Quirino.

Tuesday, June 13, 2017

Safety and Security Requirements, nais paigtingin ng Philippine Coast Guard

Posted June 13, 2017
Ni Inna Carol L. Zambrona, YES THE BEST Boracay

No automatic alt text available.Upang maiwasan ang insidente ng pagkalunod at ma-protektahan ang mga bisitang turista, nais ngayon ng Philippine Coast Guard na muling ipaalala sa mga resort  owners ang hinggil sa Memorandum Circular 03-14.
Ang Memorandum Circular na inilabas pa noong 2014 ay mga alituntunin na naglalayong magbigay proteksyon at kaalaman sa mga beach resort para sa mas ligtas na pasilidad tulad ng pool kasama na ang paglagak ng lifeguards na magbabantay sa mga guest.

Dito, nakapaloob na kailangan magkaroon ang mga resorts ng lifeguard na well-trained ng Philippine Red Cross at akreditado ng PCG kung saan dapat magkaroon din ng isang lifeguard bawat 20 meters sa tabing dagat.

Dapat din umanong magkaroon din ng first-aiders na akreditado ng Philippine Red Cross o ng PCG kasama ang mga first aide medicine o mga gamit pangligtas.

Kabilang pa rito ang paglalagay ng mga boya sa karagatan lalo na kapag kantilado at para malaman ng mga naliligo kung hanggang saan ba ang ligtas na languyan.

Image result for coast guard
Kaugnay nito, dapat magkaroon din ng radio communication room ang mga resorts para magsisilbing komunikasyon sakaling may mangangailangan  maliban pa sa sa beach warning signage at flag signals.

Kung matatandaan, naging suhestiyon ito ni  PO1st Condrito Alvarez ng Philippine Coast Guard Boracay bilang paghahanda narin ngayong Habagat Season at para maiwasan ang insidente ng lunod lalo at may namatay nitong nakalipas na araw lamang.

PCG-Caticlan, may bago ng station commander

Posted June 12, 2017
Ni Inna Carol L. Zambrona, YES THE BEST Boracay

Image may contain: 1 personMay bago na ngayong Station Commander ang Philippine Coast Guard (PCG) Caticlan sa katauhan ni Lieutenant Commander Eric Ferrancullo.

Si Ferrancullo ay galing sa PCG-Antique at nag-aasume ng bagong assignment sa Caticlan nito lamang buwan ng Mayo.

Malaking hamon umano kay Ferancullo ang bagong nitong assignment lalo na at sakop nito ang buong probinsya ng Aklan lalo na at papasok na ang panahon ng bagyo.

Isa rin sa tinututukan ngayon ng PCG ay ang pagpapaigting ng seguridad sa mga pantalan at territorial waters ng probinsya katuwang ang Maritime Police at Task Force Boracay.

Samantala, pinag-hahandaan na rin umano ng kanilang opisina ang Habagat Season kung saan may mga nakalatag na silang preparasyon at isa na dito ang pag-deploy ng mga Coact Guard sa paglipat ng schedule ng bangka sa Tambisaan at Tabon Port.

Vault ng isang apartment sa Boracay, nilimas ng magnanakaw

Posted June 12, 2017
Ni Inna Carol L. Zambrona, YES THE BEST Boracay

Isang empleyado ang nagpa-rekord sa Boracay PNP matapos umanong pagnakawan ang kanyang pinagta-trabahuhang apartment sa Station 3 Brgy. ManocManoc, Boracay.

Sa blotter entry, nagulat na lamang umano sila ng kanyang mga katrabaho ng madatnan na bukas na ang vault ng kanilanag pinagta-trabahuhan.

Naglalaman umano ang naturang vault ng P 11, 000 cash na pera at 50 US Dollar.

Napag-alaman din na ayon sa nagreklamo ay meron umanong marka ng footprints sa higaan at upos ng sigarilyo sa lugar kung saan pinaniniwalaan bakas iyon ng hindi  pa nakikilang suspek.

Samantala, inaalam na ng mga pulis kung saan  dumaan at ang pagkaka-kilanlan ng suspek.

Ika-119 anibersaryo ng Independence Day, ginunita sa Boracay

Posted June 12, 2017
Ni Inna Carol L. Zambrona, YES THE BEST Boracay

Image result for happy independence day philippines 2017Kasabay ng paggunita ng ika-119 anibersaryo ng Independence Day o Araw ng Kalayaan, ilang grupo nagsagawa ng motorcade at maikling programa kaninang umaga.

Ang LGU-Malay at BFRAV ay nagsagawa ng joint flag ceremony habang meron namang gift giving sa Baranggay Yapak na dinaluhan ng mga kandidata ng 2017 Miss Global Philippines.

Pinangunahan naman ni Mayor Cawaling ang Lateral Coordinated Meeting ng mga organic enforcer at pinag-usapan ang peace and order situation sa Boracay.

Samantala, kasamang naki-isa sa pagdiriwang ng Araw ng Kalayaan ay ilang mga motorcycle clun tulad ng Phil Bikers Neutralizers, Islanders Boracay at mga miyembro ng Kabalikat Civicom.

Bilang pakiki-isa, may mga bahay at establisyemento ring nag latag at nagsabit ng watawat ng Pilipinas tanda ng kanilang pagsuporta sa panawagan ng katahimikan sa Mindanao.

Samantala, iba’t ibang pagdiriwang naman ang inihanda ng iba’t-ibang ahensya ng gobyerno para gunitain ang Araw ng Kalayaan.

Meat Vendor, kalaboso sa pagbebenta ng illegal na droga sa Boracay

Posted June 12, 2017
Ni Inna Carol L. Zambrona, YES THE BEST Boracay

Kalaboso sa pagbebenta ng ipinagbabawal na droga ang isang meat vendor sa isla ng Boracay.

Ang naarestong suspek ay kinilalang si Bryan Colesio, 28-anyos, ng General Santos City at nakatira sa Sitio Tambisaan, Brgy. Manocmanoc.

Ang suspek ay nabilhan ng isang sachet ng pinaghihinalaang shabu kapalit ng P1, 000 buy bust money kung saan sa isinagawa pang body search nakuhaan pa ito ng tatlo pang sachet ng ipinagbabawal na droga.

Nahuli si Coliseo sa pinagsamang pwersa ng Provincial Drug Enforcement Unit (PDEU), Malay municipal police station, Boracay PNP, Philippine Drug Enforcement Agency 6, at 12 IB TIU MIG6.

Kakasuhan ang mga suspek ng paglabag sa Comprehensive Dangerous Drugs Act of 2002.