YES THE BEST 911 BORACAY

Friday, July 21, 2017

ManocManoc Council, nagsagawa ng Coastal Cleanup

Posted July 21, 2017
Ni Inna Carol L. Zambrona, YES THE BEST Boracay

Image may contain: one or more people and outdoor
Upang mapangalagaan ang kalikasan at mamintina ang kalinisan sa isla ng Boracay, isang Coastal Cleanup ang isinagawa ng Barangay ManocManoc sa kahabaan ng Tambisaan Port kahapon ng hapon.

Sa panayam kay Barangay Kagawad Marino Licerio, ang isinagawang Beach Cleanup umano ay sa inisyatibo ni Vice Mayor Abram Sualog at ng Barangay ManocManoc Council.

Katuwang sa pagpulot ng mga kalat at basura ay ang mga estudyante ng ManocManoc National High school, Department of Environment and Natural Resources (DENR) at San Miguel Corporation, Kabalikat Civicom, Boracay Photographers Association at iba pang taga ManocManoc.

Image may contain: 2 people, people standing, ocean, sky, beach, outdoor, nature and waterSa kabilang dako, nagpapasalamat naman si Atty. Isabelo Bulos at empleyado ng Trans Aire dahil inimbitahan sila ng ManocManoc Council na maging bahagi ng kanilang aktibidad na tumulong sa paglilinis lalo’t malaki ang hamon ang usaping basura sa Boracay.

Paalala ni Atty. Bulos, sa ganito umanong paraan ay makahikayat sila ng ibang mga ahensya para magtulungan at maging daan upang mapangalagaan ang kagandahan ng isla ng Boracay.

Idinagdag pa nito, sa mga bahay palang umano ay dapat maglinis na o i-segregate na ang sariling basura upang hindi mahirapan ang mga basurero na maghakot nito.

Malay Mayor Ceciron Cawaling, nagpasalamat sa matagumpay na pag-haul ng mga basura sa MRF-Manocmanoc

Posted July 21, 2017
Ni Inna Carol L. Zambrona, YES THE BEST Boracay

Malaking hamon man ay matagumpay na nahakot at nailabas ang tone-toneladang basura ng MRF Manocmanoc.

Bilang pasasalamat, isang salo-salo ang inihanda ni Mayor Ceciron Cawaling sa mga tumulong na mahakot ang mga nakatambak na basura sa Centralized MRF ng ManocManoc na halos buwan din ang inabot.

Nabatid kasi na bago ang ibinagay na deadline ng Department of Environment and Natural Resources (DENR) nitong Hulyo 17 ay halos nasimot na at naitawid na ito papuntang landfill.

Ayon kay Mayor Cawaling, lubos ang kanyang pasasalamat sa mga tumulong lalo na ang mga hauler, barge operator at iba pa para mapabilis ang paglipat ng residual waste sa Sanitary Landfill sa Malay.

Dinaluhan naman ang matagumpay na pagsasaayos ng Centralized MRF ng Solid Waste Management at iba pang empleyado ng LGU-Malay.

Kaugnay nito, nakatakdang magpulong si Mayor Cawaling at mga Barangay Captain sa Boracay para sa susunod na mga hakbang na gagawin para sa usaping basura.

BBASS nais ipatupad ang Moratorium sa mga bagong Dive Schools sa Boracay

Posted July 21, 2017
Ni Inna Carol L. Zambrona, YES THE BEST Boracay

Image may contain: one or more people, people sitting, table, living room and indoorNais ngayon ng Presidente ng Boracay Business Administration of Scuba Schools (BBASS) na si Jun Bondoc na magkaroon ng Moratorium para sa mga bagong dive schools sa isla ng Boracay.

Sa isinagawang Committee Hearing nitong Martes sa bayan ng Malay, nagpulong ang mga miyembro ng ibat-ibang asosasyon na nag-ooperate sa isla at Committee Chairman on Tourism Sangguniang Bayan Member Dante Pagsuguiron.

Itong kagustuhan ni Bondoc ay para umano maprotektahan ang seguridad ng mga diving operators kaya naman inendorso nito kay SB Pagsuguiron ang kanyang kahilingan na magpasa ng isang resolusyon para sa isang moratorium.

Nabatid na mayroong 42 rehistradong diving schools dito at 37 naman ang mga nag-ooperate.

Samantala, ipina-abot ni Pagsuguiron na kanilang pag-aaralan ng kanyang mga kasamahan sa SB itong kahilingan ni Bondoc.

Thursday, July 20, 2017

Kite Boarding Assistant Instructor, arestado sa buy-bust operation

Posted July 20, 2017
Ni Inna Carol L. Zambrona, YES THE BEST Boracay

Image result for buybustNasa kustudiya na ngayon ng Malay PNP ang isang Kite Boarding Assistant Instructor matapos itong mahuli sa pagebebenta ng iligal na droga sa Brgy. Yapak, Boracay kagabi.

Naaresto ang suspek na si Rodolfo Magay Jr. y Juakay aka “Diboy”, 28-anyos, tubong Sta. Fe Romblon at nanunuluyan sa Sitio Bolabag.

Nahuli si Magay sa pamamagitan ng poseur buyer kung saan nabilhan ito ng isang sachet ng suspected shabu kapalit ng P 1,100.00 buy-bust money.

Samantala, nakuhaan pa sa posisyon ng suspek  ang dalawa pang sachet ng ipinagbabawal na droga.

Kasong paglabag sa Section 5, Section 11 at Article II Republic Act 9165 o dangerous drugs act ang isinampang kaso kay Magay.

Matagumpay na isinagawa ang buy bust operation ng pinagsanib pwersa ng Malay PNP, Boracay PNP, Aklan Provincial Safety Company (APSC), 12th IB TIU, MIG 6 at PDEA RO-6 ang pagka-aresto sa suspek.

Tuesday, July 18, 2017

Pagwasak ng Forest Area sa Yapak, ikinadismaya ng isang Environmental Group

Posted July 18, 2017
Ni Danita Jean A. Pelayo, YES THE BEST Boracay

Image may contain: 1 person, beard
Ikinadismaya ng Friends of the Flying Foxes (FFF) ang pagtapyas at pagpatag sa bulubunduking bahagi ng Barangay Yapak sa isla ng Boracay.

Sa panayam ng himpilang ito kay Noa Macavinta na Board Member ng FFF, hindi umano sila sang-ayon sa isinagawang pag-bulldozed ng natitirang natural forest ng isla partikular sa nabanggit na lugar.

Ani Macavinta, nais nilang isantabi at panatilihin ang protected area na ito na pinamamahayan ng mga fruitbats o paniki na ayon sa kanilang grupo ay kakaunti na lang dahil sa mga nangyaring development sa isla.

Ayon sa FFF, alam na raw ito ng DENR at wala umano silang inisyu na ECC maging ang Barangay ay hindi rin daw nagbigay ng Barangay Clearance para galawin ang kagubatan doon.

Dahil dito, ikinukonsidera umano itong isang illegal na aksyon matapos na magsagawa sila ng paggalaw ng lupa at pagputol ng kahoy sa naturang lugar na ayon pa kay Macavinta ay wala umanong pahintulot mula sa LGU-Malay.

Kaugnay nito, naapektuhan umano ang malaking bilang ng mga paniki na katuwang sa pagpapayabong ng mga punong-kahoy sa lugar na ayon sa grupo ay endangered na.

Umaasa ngayon si Macavinta kasama ang kanilang grupo na maire-restore ang area at mapigilan ang pagwasak sa natitirang protected forest ng Boracay.


Samantala, ang nangyaring pag-bulldoze ay para raw sa malaking development sa lugar kung saan ay balak umanong patayuan ng 500-room resort ng isang malaking developer.

Monday, July 17, 2017

MRF-Manocmanoc, isang daang porsyento ng nahakot ang basura bago ang ibinagay na deadline ng DENR

Posted July 17, 2017
Ni Inna Carol L. Zambrona, YES THE BEST Boracay

Halos isang daang porsyento na umanong tapos ang ginawang paghahakot sa mga nakatambak na basura sa Centralized MRF ng ManocManoc bago ang deadline na ibinigay ng Department of Environment and Natural Resources (DENR) ngayong araw, Hulyo 17.

Ito ang masayang ipina-abot ni LGU Executive Assistant II Jimmy Maming bilang sagot sa ibinigay na ultimatum ng DENR sa Lokal na Pamahalaan ng Malay.

Ani Maming, kahit maayos na ang basura sa MRF-ManocManoc patuloy parin ang kanilang ginagawang kalutasan sa naturang isyu.

Image may contain: sky, cloud, outdoor and natureKung matatandaan ang opisina ng (PENRO Aklan) ay nagbaba ng isang sulat nitong Marso sa Lokal na Pamahalaan ng Malay sa agarang paglipat ng residual waste sa Sanitary Landfill sa Malay at pagpapahinto ng opersayon ng Centralize MRF kung hindi ito maaksyunan.

Ito’y sa dahilan na samut-saring reklamo ang natanggap mula sa mga residente at ng paaralan ng ManocManoc dahil sa mabahong amoy na  nalalanghap.

Kaugnay nito, plano ng LGU-Malay na gawing rehabilitation center at i-develop na maging Greening System ang lugar.

Samantala, dahil natapos na ang paghaul ng mga basura muli naman nilang pag-uusapan ang Republic Act 9003, kung saan nakapaloob dito na ang lahat ng barangay ay obligado na magkaroon ng MRF.

Pag-bulldoze sa bundok sa Yapak, pinatigil na – SB Graf

Posted July 17, 2017
Ni Inna Carol L. Zambrona, YES THE BEST Boracay

Ipinatigil na umano  ng Lokal na Pamahalaan ng Malay ang  pag-bulldoze  ng developer ng isang airline company sa bundok na bahagi ng Barangay Yapak.

Sa panayam kay SB Member Nenette Aguirre-Graf na Chairman din Committee on Environment ng Sangguniang Bayan ng Malay, ipinatigil ng LGU-Malay ang operasyon dahil narin sa reklamo na kanilang natanggap.

Ang nabanggit na pangyayari ay ipina-abot din ni Yapak Punong Barangay Hector Casidsid sa LGU maliban pa sa mga kumakalat na litrato sa social media na pinag-uusapan na rin ngayon ng mga netizens.

Ani Graf, bagamat nabili na ang lupa ay hindi pa pwedeng mag-develop sa lugar dahil wala pa umano itong permit sa Malay.

Umapela rin ito sa may-ari ng property na hangga’t maari ay i-preserve at huwag muna itong lagyan ng development dahil tirahan ito ng mga endangered na fruitbats o paniki at mga unggoy.

Nabatid kasi na mismo ang DENR na rin ang nagsabi na hindi umano pwedeng galawin ang lugar.

Samantala, magpupulong umano ang mga nasa likod nito at pag-uusapan nila kung ano ang mga dapat at hindi dapat gawin sa lugar.

Chinese Embassy, nag-donate ng Ambulansya sa isla ng Boracay

Posted July 17, 2017
Ni Inna Carol L. Zambrona, YES THE BEST Boracay

Image may contain: 2 people, people standing
Photo Credit: Leonard Tirol
Isang bagong ambulansya ang natanggap ng Boracay Fire Rescue & Ambulance Volunteers (BFRAV) handog ng Chinese Embassy.

Sa pamamagitan ni Lou Gang, Chinese Counselor and Consul General ay nai-turn-over ang rescue ambulance  para magamit sa lahat ng responde ng BFRAV sa .

Itong hakbang ng China ay para magbigay suporta para makatulong sa mga residente at turista lalo na sa panahon ng emergency.

Labis naman ang pasasalamat ni Commodor Leonard Tirol, Founder at CEO ng BFRAV dahil malaking tulong umano ito sa kanilang ginagawang rescue operation sa oras na may mangangailangan ng tulong.

Sa ngayon ay may apat na ambulansya na ang BFRAV na rumiresponde sa lahat ng emergency call